మాస్ మహారాజా రవితేజ చాలా కాలం తరువాత ముఖానికి రంగేసుకున్న ప్రేక్షకుల ముందుకు వస్తున్న చిత్రం- రాజా ది గ్రేట్.
రవితేజ ఈ చిత్రంలో దృష్టి లోపం ఉన్న పాత్రలో కనిపించనున్నాడు. ఇప్పటికే రిలీజ్ అయిన టీజర్ లో రవితేజ పండించిన అభినయానికి అందరు ఫ్లాట్ అయ్యారనే చెప్పాలి. ఇదిలావుండగా ఈ చిత్రాన్ని ప్రేక్షకులకి దీపావళి కానుకగా ఈ నెల 18వ తేదిన విడుదల చేయడానికి రంగం సిద్ధం చేశారు.
అనిల్ రావిపూడి దర్శకత్వం వహిస్తున్న ఈ చిత్రంలో అందాల తార మేహ్రీన్ హీరోయిన్ గా నటిస్తున్నది. మంచి అభిరుచి గల చిత్రాలని నిర్మిస్తాడు అన్న మంచి పేరున్న నిర్మాత దిల్ రాజు ఈ చిత్రాన్ని నిర్మిస్తున్నాడు.
ఇక ఈ దీపావళికి ప్రేక్షకుల చేత నవ్వులని పూయించే చిత్రంగా రాజా ది గ్రేట్ రానుందనమాట.
