మాస్‌ రాజా రవితేజ కొత్త సినిమా 'రాజా ది గ్రేట్‌' సెట్స్‌ మీదికెళ్లింది. సోమవారం నుంచే ఈ సినిమా షూటింగ్‌ స్టార్ట్‌ అయ్యింది. 'పటాస్‌', 'సుప్రీమ్‌' వంటి మాంచి ఎంటర్‌ టైనర్స్‌ని తెరకెక్కించిన డైరెక్టర్‌ అనిల్‌ రావిపూడి ఈ సినిమాకి దర్శకత్వం వహిస్తున్నారు. అయితే ఈ సినిమాతో రవితేజలోని డిఫరెంట్‌ యాంగిల్‌ని బయటికి తీసుకొస్తానంటున్నాడు డైరెక్టర్‌ అనిల్‌. ఎందుకంటే ఈ సినిమాలో రవితేజ అంధుడిగా కనిపించబోతున్నాడు. ఎప్పుడూ ఎనర్జిటిక్‌ క్యారెక్టర్స్‌తో అదిరిపోయే డైలాగ్స్‌తో అదరగొట్టే రవితేజ ఈ సినిమాతో ప్రయోగం చేస్తున్నాడు. ఫస్ట్‌లుక్‌తోనే రవితేజ చాలా ఇంట్రెస్ట్‌ క్రియేట్‌ చేసేశాడు. చాలా గ్యాప్‌ తర్వాత వస్తున్న రవితేజ సినిమా ఇది. 'బెంగాల్‌ టైగర్‌' తర్వాత రవితేజ నుండి మరో సినిమా రాలేదు. ఇంత గ్యాప్‌ తర్వాత వచ్చినా ఈ సినిమాతో మళ్లీ రవితేజ ఆకట్టుకుంటాడని అంటున్నారు. ఎందుకంటే బలమున్న కథని ఎంచుకున్నాడు రవితేజ. ఈ సినిమాలో 'కృష్ణగాడి వీర ప్రేమగాధ' ఫేం మెహరీన్‌ కౌర్‌ హీరోయిన్‌గా నటిస్తోంది. అంధుడిగా కనిపించేందుకు రవితేజ ప్రత్యేక శిక్షణ తీసుకున్నాడట. చాలా మేకోవర్‌ అయ్యాడని తెలుస్తోంది. శ్రీ వెంకటేశ్వర క్రియేషన్స్‌ పతాకంపై ఈ సినిమా తెరకెక్కుతోంది. ఈ సినిమాలోని ఎక్కువ భాగం డార్జిలింగ్‌లో చిత్రీకరించనున్నారట. ఇది కాక రవితేజ మరో సినిమా 'టచ్‌ చేసి చూడు'లో నటిస్తున్నాడు.