రవితేజ ఈజ్‌ బ్యాక్‌. రేపు ఆయన పుట్టినరోజు. ఈ సందర్బంగా రవితేజ కొత్త సినిమా టైటిల్‌ అనౌన్స్‌ అయ్యింది. నల్లమలుపు బుజ్జి, వల్లభనేని వంశీ ఈ చిత్రాన్ని నిర్మిస్తున్నారు. 'టచ్‌ చేసి చూడు' అంటూ రవితేజకి పెర్‌ఫెక్ట్‌గా సూటయ్యే టైటిల్‌ పెట్టారు ఈ సినిమాకి. 2016లో రవితేజ సినిమా ఒక్కటీ రాలేదు. లాంగ్‌ గ్యాప్‌ తీసుకున్నాడు. ఇప్పుడు ఆ గ్యాప్‌ని తీర్చేయడానికి రెడీ అయిపోతున్నాడట. ఫ్యాన్స్‌కి ఆ కరువు తీర్చేలా 2017లో రెండు మూడు సినిమాలొస్తాయట రవితేజ నుంచి. ఇందులో మొదటిది 'టచ్‌ చేసి చూడు'. ఈ సినిమా ఫిబ్రవరిలో సెట్స్‌ మీదకు వెళ్తుంది. తాజగా విడుదలైన టైటిల్‌ లోగోతో పాటు రవితేజ స్టైల్‌ కూడా అదిరిపోయేలా ఉంది. మరో పక్క చాలా మంది డైరెక్టర్లను రవితేజ లైన్‌లో పెట్టాడట. ఆ సినిమాలు వరుసగా సెట్స్‌మీదికెళ్లనున్నాయట. ఫాస్ట్‌గా సినిమాలు చేయడంలో రవితేజ నెంబర్‌ వన్‌ ప్లేస్‌లో ఉంటాడు. అలాంటిది ఎప్పుడూ లేని విధంగా ఇంత గ్యాప్‌ తీసుకున్నాడు ఈ సారి. అందుకే ఇక ఆలస్యం చేయడట. రవితేజ సినిమాలు ఈ ఏడాదిలో వరుసగా సందడి చేయనున్నాయట. అలాగే 'పటాస్‌', సుప్రీమ్‌' సినిమాల డైరెక్టర్‌ అనిల్‌ రావిపూడితో ఓ సినిమాని కూడా రవితేజ ఓకే చేశారని ప్రచారం జరుగుతోంది. ఈ సినిమా కూడా అతి త్వరలోనే పట్టాలెక్కనుందని సమాచారమ్‌.