ప్రస్తుతం మాస్‌ రాజా రవితేజ హీరోగా వస్తోన్న చిత్రం 'రాజా ది గ్రేట్‌'. ఈ నెల 18న సినిమా ప్రేక్షకుల ముందుకు వస్తోంది. దీపావళి కానుకగా రవితేజ తన అభిమానులకు అలరించబోతున్నాడు ఈ సినిమాతో. అనిల్‌ రావిపూడి దర్శకత్వంలో ఈ సినిమా తెరకెక్కుతోంది. ఇదో ప్రయోగాత్మక చిత్రం. మెహరీన్‌ హీరోయిన్‌గా నటిస్తోంది. ఇంతవరకూ ఎనర్జిటిక్‌ హీరోగా తన స్టైల్‌ ఆఫ్‌ యాక్టింగ్‌తో ఆకట్టుకున్న రవితేజ ఈ సినిమాతో ఓ కొత్త ప్రయోగానికి శ్రీకారం చుట్టారు. అంధుడి పాత్రలో నటిస్తున్నారు రవితేజ ఈ సినిమాలో. చాలా గ్యాప్‌ తర్వాత రవితేజ నుండి వస్తోన్న చిత్రమిది. సో అంచనాలు భారీగా ఉన్నాయి. కాగా ఇకపై రవితేజ ప్రయోగాత్మక చిత్రాలకే ఎక్కువ ప్రాధాన్యత ఇస్తాననీ చెబుతున్నారు. ఎందుకంటే కామెడీ చేయడం, ఎంటర్‌టైన్‌ చేయడం బోర్‌ కొట్టేసిందట రవితేజకి. 'చేస్తున్న ఆయనకే కాదు, చూస్తున్న ప్రేక్షకులకీ బోర్‌ కొట్టేసింది. సో అభిమానులు ఏది కోరుకుంటే అదే చేసి తీరాలి. అభిమానులు కొత్తదనం కోరుకుంటున్నారు. సో ఆ కొత్తదనాన్నివ్వడానికి తన వంతు కృషి చేస్తానంటున్నాడు రవితేజ. అందుకే ఆచి తూచి కథలను ఎంచుకుంటున్నారట. ప్రస్తుతం రవితేజ చేతిలో 'రాజా ది గ్రేట్‌' కాక, 'టచ్‌ చేసి చూడు' చిత్రం ఒక్కటే ఉంది. మిగతా కథలు చాలా ఉన్నప్పటికీ ఇంకా చర్చల దశలోనే ఉన్నాయట. కానీ ప్రయోగాలు చేసినా, పంచ్‌లెయ్యడం మాత్రం మాననంటున్నాడు పంచ్‌ రాజా రవితేజ. అదీ సంగతి!