గతేడాది అంతా రవితేజ ప్లేస్‌ ఖాళీగా ఉండిపోయింది. ఆయన నుండి ఒక్క సినిమా కూడా రాలేదు 2016లో. అయితే 2017 ఎంటర్‌ కాగానే రవితేజ ఈజ్‌ బ్యాక్‌ అయ్యాడు. వరస పెట్టి ఆయన సినిమాల ఇన్‌ఫర్మేషన్‌ బయటికి వస్తోంది. ఈ రోజు ఆయన పుట్టినరోజు. ఈ సందర్భంగా రవితేజ నటిస్తోన్న కొత్త చిత్రం 'రాజా ది గ్రేట్‌' సినిమా పోస్టర్‌ని విడుదల చేశారు. 'పటాస్‌', సుప్రీమ్‌' సినిమాలతో మంచి ఎంటర్‌టైనింగ్‌ హిట్స్‌ అందుకున్న డైరెక్టర్‌ అనిల్‌ రావిపూడి. ఈ సినిమాతో ఏదో మ్యాజిక్‌ చేయబోతున్నాడనిపిస్తోంది. టైటిల్‌ లోగోనే ఎంతో కొత్తగా డిజైన్‌ చేయించాడు. 'వెల్‌కమ్‌ టు మై వరల్డ్‌' అంటూ కొత్త లుక్‌లో కనిపిస్తోంది ఈ టైటిల్‌ లోగో. అలాగే టైటిల్‌ కూడా 'రాజా ది గ్రేట్‌' అంటూ తెలుగు, ఇంగ్లీష్‌ మిక్కింగ్‌లో ఉండేట్లుగా సరికొత్త డిజైన్‌తో ఆకట్టుకుంటోంది. దిల్‌ రాజు సమర్సణలో శిరీష్‌ నిర్మాణంలో తెరకెక్కుతోన్న ఈ సినిమా త్వరలోనే సెట్స్‌ మీదికెళ్లనుంది. ఇవే గాక రవితేజ 'టచ్‌ చేసి చూడు' అంటూ పవర్‌ఫుల్‌ టైటిల్‌తో మరో సినిమాకి కూడా గ్రీన్‌ సిగ్నల్‌ ఇచ్చేశాడు. ఈ రెండు సినిమాలు ఒకేసారి షూటింగ్‌ జరుపుకోనున్నాయట. అంటే ఈ ఏడాది రవితేజ నుండి రెండు సినిమాలు ఇప్పటికే కన్‌ఫామ్‌ అయిపోయాయి. అలాగే ఈ లోగా ఇంకెన్ని సినిమాలు రవితేజ ఓకే చేస్తాడో చూడాలిక.