'పిల్లా నువ్వు లేని జీవితం', 'సుబ్రహ్మణ్యం ఫర్‌ సేల్‌' తదితర చిత్రాల్లో జంటగా నటించారు మెగా మేనల్లుడు సాయి ధరమ్‌తేజ్‌, అందాల తార రెజీనా. ఈ జంట ఆన్‌ స్క్రీన్‌ కెమిస్ట్రీ సో క్యూట్‌. ఇద్దరూ మంచి డాన్సర్లే. డాన్సింగ్‌ కెమిస్ట్రీ కూడా చాలా బాగుంటుంది. పోటా పోటీగా ఈ ఇద్దరూ స్టెప్పులిరగదీసేస్తారు. లేటెస్టుగా ప్రేక్షకుల ముందుకొచ్చిన 'నక్షత్రం' సినిమాలోనూ ఈ ఇద్దరూ కలిసి నటించారు. జత కట్టలేదు కానీ కలిసి నటించారు ఈ సినిమాలో. ఆన్‌ స్క్రీనే కాక, ఆఫ్‌ స్క్రీన్‌లోనూ ఈ ఇద్దరూ మంచి స్నేహితులు. పార్టీల్లోనూ, ఫంక్షన్స్‌లోనూ చాలా క్లోజ్‌గా, ఫ్రెండ్లీగా మూవ్‌ అవుతూ ఉంటారు. అఫ్‌కోర్స్‌ తేజుకి ఇండస్ట్రీలో అందితోనూ అదే క్లోజ్‌. ఇదిలా ఉండగా, సాయి ధరమ్‌ తేజ్‌ ప్రస్తుతం వినాయక్‌ డైరెక్షన్‌లో ఓ సినిమా చేస్తున్నారు. మాంచి మాస్‌ ఎంటర్‌టైనర్‌ మూవీ ఇది. ఈ సినిమాలో ఐటెం సాంగ్‌ కోసం రెజీనాని ఎంపిక చేసుకున్నారంటూ గాసిప్స్‌ వినిపిస్తున్నాయి. ఈ సాంగ్‌ కోసం రెజీనాని సాయి ధరమ్‌ తేజే ఆఫర్‌ చేశారనీ సమాచారమ్‌. ఈ గాసిప్‌లో నిజమెంతుందో ఏమో తెలీదు కానీ, ఒకవేళ ఈ ఇద్దరి మధ్యా సాంగ్‌ ఉండి ఉంటే, అది కూడా ఐటెం సాంగ్‌ అయితే ఇంకేం దుమ్ము దులిపేస్తారంతే. మాస్‌ ఆడియన్స్‌కి ఆ సాంగ్‌ స్పెషల్‌ అట్రాక్షన్‌ అవుతుంది కూడా. ఏమో చూడాలి, రెజీనా ఐటెం కన్‌ఫామో కాదో. ఈ సినిమాలో లావణ్య త్రిపాఠి హీరోయిన్‌గా నటిస్తోంది. మరో పక్క తేజు నటించిన 'జవాన్‌' విడుదలకు సిద్ధమైంది. మెహరీన్‌ కౌర్‌ ఈ సినిమాలో తేజుతో జత కడుతోంది.