సంచలన దర్శకుడు రామ్‌గోపాల్‌ వర్మ నుండి ఏ ట్వీట్‌ వచ్చినా అదో సెన్సేషనే. ఆయన ట్వీటులోని తికమక అలాంటిది. అందులోనూ మెగా హీరోల పైనా, మెగా హీరోల సినిమాల పైనా వర్మ ట్వీట్లు ఓ రేంజ్‌లో నెగిటివిటీతో నిండిపోతుంటాయి. అలాంటిది వర్మ ఫస్ట్‌టైమ్‌ షాకిచ్చాడు. మెగా హీరోని ప్రశంసించాడు. అసలు వివరాల్లోకి వెళితే, తాజాగా 'సైరా' సినిమా నుండి సెకండ్‌ ట్రైలర్‌ రిలీజ్‌ చేశారు.
ఆ ట్రైలర్‌పై వర్మ పాజిటివ్‌గా స్పందించడమే ఇప్పుడు అందర్నీ షాక్‌ అయ్యేలా చేస్తోంది. చిరంజీవికి తగ్గ సినిమా చేశాడు.. రామ్‌చరణ్‌ సో గ్రేట్‌ అంటూ ప్రశంసల వర్షం కురిపించాడు. ఈ ట్వీట్‌ చూస్తే నెటిజన్స్‌కి షాక్‌ కాక ఇంకేముంటుంది చెప్పండి. దెబ్బకి దిమ్మ తిరిగిపోయిందంతే. అసలింతకీ ఇది వర్మగారి ట్వీటేనా.? అని పది సార్లు రీ చెక్‌ చేసుకున్నారట మన ప్రియమైన నెటిజన్లు.
ఈ రకంగా మరోసారి వర్మగారు తన ట్వీట్‌తో సంచలనమయ్యారు. సంచలనం అనేది ఆయన బ్లడ్‌లోనే ఉంది. అది లేకుంటే, ఆయన లేరు. నెగిటివ్‌ అయినా, పాజిటివ్‌ అయినా సెన్సేషన్‌ కావల్సిందే దటీజ్‌ రామ్‌గోపాల్‌ వర్మ. అంతే. ఇక 'సైరా' విషయానికి వస్తే, 2 గంటల 50 నిముషాల 50 సెకన్ల నిడివితో సింగిల్‌ కట్‌ కూడా లేకుండా సెన్సార్‌ బోర్డ్‌ 'యు / ఎ సర్టిఫికెట్‌ జారీ చేసింది. ఇక్కడితో సెన్సార్‌తో సహా అన్ని పనులనూ పూర్తి చేసుకుని 'సైరా' ధియేటర్స్‌లో సందడి చేసేందుకు ముస్తాబయ్యింది. అక్టోబర్ 2న 'సైరా' ప్రేక్షకుల ముందుకు రానుంది.
