ఏంటిది వ‌ర్మా... ఎక్క‌డి నుంచి తీస్తున్నావ్ ఇన్ని సినిమాలు? అని అడ‌గాల‌నిపిస్తుంది. వ‌ర్మ‌ని చూస్తుంటే. ఒక‌టా, రెండా? వ‌రుస పెట్టి సినిమాలు తీస్తూనే ఉన్నాడు. లాక్ డౌన్ తో షూటింగులు మూత‌బ‌డి, సినిమాల్ని మ‌ధ్య‌లోనే ఆపేస్తుంటే, వ‌ర్మ మాత్రం విచ్చ‌ల‌విడిగా సినిమాల్ని వ‌దులుతున్నాడు. ఇప్ప‌టికే రెండు సినిమాల్ని ఏటీటీ ద్వారా విడుద‌ల చేశాడు. 12 ఓ క్లాక్ అనే మ‌రో సినిమా రిలీజ్ కి రెడీ అయ్యింది. ప‌వ‌న్ క‌ల్యాణ్ క‌థ‌ని `ప‌వ‌ర్ స్టార్`గా తీస్తున్నాడు. ఇప్పుడు `థ్రిల్ల‌ర్‌` అనే మ‌రో సినిమాని వద‌ల‌బోతున్నాడు.

ఈసినిమాకి సంబంధించిన హాట్ స్టిల్స్ విడుద‌ల చేశాడు వ‌ర్మ‌. శ్రేయాస్ ఏటీటీ ద్వారా ఈ చిత్రాన్ని విడుద‌ల చేస్తున్న‌ట్టు వ‌ర్మ ప్ర‌క‌టించాడు. టికెట్ రేటెంతో చెప్ప‌లేదు. మ‌రోవైపు `ప‌వ‌ర్ స్టార్‌` విడుద‌ల ఏర్పాట్లు జ‌రుగుతున్నాయి. ఈ సినిమాని ఎం.ఎక్స్ ప్లేయ‌ర్ ద్వారా రిలీజ్ చేస్తున్నాడు. ఈ నెల‌లోనే ఈ రెండు సినిమాల్నీ వ‌దిలే అవ‌కాశం ఉంది.