రజనీకాంత్‌ హీరోగా తెరకెక్కుతోన్న 'రోబో 2.0' ఆడియో ఫంక్షన్‌ దుబాయ్‌లో ఘనంగా జరిగిన సంగతి తెలిసిందే. కనీ వినీ ఎరుగని రీతిలో ఈ ఆడియో వేడుక జరిగింది. ఈ ఈవెంట్‌కి భళ్లాలదేవ రానా, బాలీవుడ్‌ దర్శక - నిర్మాత కరణ్‌ జోహార్‌ హోస్ట్‌లుగా వ్యవహరించారు. ఈ ఈవెంట్‌లో ముద్దుగుమ్మ అమీజాక్సన్‌ ఎంట్రీ అదిరిపోయింది. లేడీ రోబో గెటప్‌లో అమీజాక్సన్‌ ఎంట్రీ స్పెషల్‌గా ఎట్రాక్ట్‌ చేసింది. కోలీవుడ్‌ నుండి హీరో సూర్య ఆయన భార్య జ్యోతిక, కార్తి ఈ కార్యక్రమానికి విచ్చేశారు. మ్యూజిక్‌ దిగ్గజం రెహమాన్‌ సింఫనీ ఆర్కెస్ట్రా స్పెషల్‌ అట్రాక్షన్‌గా నిలిచింది. దుబాయ్‌ నగరంలోని భారతీయులంతా ఈ ఈవెంట్‌ని చూసేందుకు పోటీ పడ్డారు. అసలే అందమైన నగరం. భూలోక స్వర్గం దుబాయ్‌ నగరం. అలాంటిది ఆ నగరమంతా 'రోబో 2.0' పోస్టర్స్‌తో మరింత కలర్‌ఫుల్‌గా నిండిపోయింది. ఈ ఈవెంట్‌ కోసం వేసిన సెట్‌ కనీ వినీ ఎరుగని రీతిలో డెకరేట్‌ చేశారు. ఇంతవరకూ ఏ ఇండియన్‌ సినిమాకీ ఇంత గొప్పగా ఆడియో ఫంక్షన్‌ నిర్వహించలేదు. ఇదే తొలిసారి. బహుశా ఇంతలా మరోసారి నిర్వహించడం కూడా ఊహించలేమేమో. ఈ వేడుకని చూసి ఇంతకు మించి చేయడానికి అసలు ఇంకేముంటుంది అనుకోని వాళ్లుండరు. శంకర్‌ దర్శకత్వంలో తెరకెక్కుతోన్న 'రోబో 2.0' సినిమా వచ్చే ఏడాది ప్రేక్షకుల ముందుకు రానుంది. వెండితెర విజువల్‌ వండర్‌గా ఈ చిత్రాన్ని తెరకెక్కిస్తున్నారు. హాలీవుడ్‌ స్థాయిలో ఈ సినిమా ఉండబోతోంది. బాలీవుడ్‌ నటుడు అక్షయ్‌ కుమార్‌ విలన్‌ పాత్రలో నటిస్తున్నాడు.