సూపర్ స్టార్ రజినీకాంత్ తాజా చిత్రం రోబో 2 విడుదల కాకముందే ప్రేక్షకుల్లో ఆసక్తిని పెంచేస్తున్నది.
ఇక మొన్ననే దుబాయ్ లో న భూతో న భవిష్యతి అన్న రీతిలో రోబో 2.0 ఆడియో విడుదల కార్యక్రమం జరిగింది. ఆ వేదిక పైన దర్శకుడు శంకర్ మాట్లాడుతూ రెండు రోబోల మధ్య వచ్చే ప్రేమ సన్నివేశాలకి రెహ్మాన్ అందించిన సంగీతం ప్రేక్షకులని ఆకట్టుకుంటుంది అని చెప్పాడు.
దీనితో ఈ చిత్రంలో రెండు రోబోల మధ్య ప్రేమ నేపధ్యంలో నడిచే కథ అని తెలిసిపోయింది. ఇక ఈ చిత్రం క్యాప్షన్ కూడా ‘The World Is Not Only For Humans’ అని ఉండడం కూడా ఈ సినిమా కథ గురించి మనకి ఒక ఐడియా ఇస్తున్నది.
దీనితో శంకర్ మనకి చెప్పకనే చెప్పినట్టుగా ఈ కథ గురించి ప్రేక్షకులకి ఒక ఐడియా వచ్చింది. అయితే ఇప్పుడు మనము ఊహించే కథనే ఉంటుందా లేక మరేదైనా మనలనందరినీ ఆశ్చర్యపరిచే లా వేరే కథని చూపిస్తాడా అనేది తెలియాలంటే జనవరి వరకు ఆగాల్సిందే..
