RRR.. హంగామా మొద‌లైపోయింది. అక్టోబ‌రు 13న ఈచిత్రాన్ని విడుద‌ల చేస్తున్న‌ట్టు చిత్ర‌బృందం ఇది వ‌ర‌కే ప్ర‌క‌టించింది. ఇప్పుడు ప్ర‌మోష‌న్లు కూడా మొద‌లెట్టేస్తున్నారు. ఇటీవ‌లే RRR నుంచి ఓ మేకింగ్ వీడియో వ‌చ్చింది. ఆ వీడియోకి మంచి స్పంద‌న ల‌భించింది. ఇప్పుడు తొలి గీతాన్ని విడుద‌ల చేస్తున్నారు. ఫ్రెండ్ షిప్ డే సంద‌ర్భంగా ఆగ‌స్టు 1న ఈ చిత్రం నుంచి తొలి గీతం రానుంది. `దోస్త్‌` అంటూ సాగే ఈ గీతాన్ని ఐదు భాషల్లో ఒకేసారి విడుద‌ల చేస్తారు.
ఈ పాట‌కు సంబంధించిన మేకింగ్ వీడియో కూడా అదే రోజున రానుంది. RRR థీమ్ సాంగ్ ఇది. హేమ‌చంద్ర, అనిరుథ్‌, అమిత్ త్రివేది, విజ‌య్ యేసుదాస్‌, యాజిన్ న‌జీర్ ఈ పాట‌ని ఆల‌పించారు. ఒక్కో భాష‌లో ఒక్కో గాయ‌కుడు ఈ పాట‌ని పాడిన‌ట్టు తెలుస్తోంది. ఇటీవ‌ల ఈ పాట‌ని హైద‌రాబాద్ లో తెర‌కెక్కించారు. సినిమాలో ఈ పాట ఉండ‌దు. ఎండ్ టైటిల్స్ లో వ‌స్తుంది. ఈ పాట‌లో ఎన్టీఆర్‌, చ‌ర‌ణ్‌, అలియాభ‌ట్, అజ‌య్ దేవ‌గ‌ణ్‌ల‌తో పాటు.. రాజమౌళి ఇత‌ర చిత్ర‌బృందం కూడా క‌నిపిస్తార‌ని తెలుస్తోంది.
