RX 100 చిత్రం ఇప్పుడు అందరి దృష్టిని ఆకర్షిస్తున్నది, అదే సమయంలో కలెక్షన్స్ పరంగా కూడా ఇది పెద్ద పెద్ద చిత్రాల రికార్డులని తిరగారాస్తున్నది.
ఇక విషయానికి వస్తే, హైదరాబాద్ లోని దేవి 70MM (ఆర్టీసీ క్రాస్ రోడ్స్) లో ఈ చిత్రం అన్ని షోలలో హౌస్ ఫుల్ కలెక్షన్స్ తో నడుస్తున్నది. ఈ చిత్రం మొదటివారం పూర్తయ్యేసరికి రూ 29, 32, 867/- (గ్రాస్) వసూలు చేయగా ఇప్పటివరకు ఈ ధియేటర్ చరిత్రలో ఇది ఒక రికార్డుగా చెబుతున్నారు.
ఇంతకముందు ఈ రికార్డు బాహుబలి చిత్రం (రూ 28,82, 370 గ్రాస్) పేరిట ఉండగా RX 100 ఈ కొత్త రికార్డు సృష్టించింది. ఒక చిన్న సినిమాగా విడుదలైన ఈ చిత్రానికి ఇంతటి ప్రజాదరణ దొరుకుతుండడం నిజంగా విశేషమే అని చెప్పొచ్చు.
ఇక వేరే సెంటర్లలో కూడా RX 100 చిత్రానికి మంచి వసూళ్ళు నమోదవుతున్నాయి. ఇక ఈ సినిమా ఫైనల్ రన్ లో ఎంత వసూలు చేయనుంది అన్న దాని పైన అందరి దృష్టి నెలకొని ఉంది.
