సాహో నుంచి చిన్న లుక్ వ‌చ్చినా... సోష‌ల్ మీడియాలో దాన్ని బాగా వైర‌ల్ చేస్తున్నారు ప్ర‌భాస్ అభిమానులు. షేడ్స్ ఆఫ్ సాహో అయితే.. రికార్డుల‌న్నీ బ్రేక్ చేశాయి. సాహో టీజ‌ర్‌కీ అదిరిపోయే స్పంద‌న వ‌చ్చింది. ఇప్పుడు సాహో నుంచి మ‌రో గిఫ్ట్ రాబోతోంది. ఈ సినిమాలోని తొలి పాట‌ని ఈ వారంలోనే విడుద‌ల చేయ‌డానికి చిత్ర‌బృందం స‌న్నాహాలు చేస్తోంది. ప్ర‌భాస్ - శ్ర‌ద్దాక‌పూర్ జంట‌గా న‌టించిన ఈ చిత్రానికి సుజీత్ ద‌ర్శ‌కుడు.

యూవీ క్రియేష‌న్స్ అత్యంత భారీ బ‌డ్జెట్‌తో తెర‌కెక్కిస్తోంది. శంక‌ర్ ఎహ‌సాన్ లాయ్‌ల‌ను సంగీత ద‌ర్శ‌కులుగా నియ‌మించుకుంది చిత్ర‌బృందం. అయితే వాళ్లు ఈ ప్రాజెక్టు నుంచి త‌ప్పుకున్నారు. దాంతో జీబ్రాన్ రంగ ప్ర‌వేశం చేయాల్సివ‌చ్చింది. జిబ్రాన్ ట్యూన్ సిద్ధం చేయ‌డం, పాట కంపోజ్ చేయ‌డం జ‌రిగిపోయాయి. ఆ పాటే.. త్వ‌ర‌లో రాబోతోంది. మేకింగ్ ప‌రంగా.. ఈ సినిమా హాలీవుడ్ స్థాయిలోనే ఉంది. మ‌రి పాట‌లెలా ఉంటాయో అని ప్ర‌భాస్ అభిమానులంతా ఆస‌క్తిగా ఎదురుచూస్తున్నారు. ఆగ‌స్టు 15న ఈ చిత్రం విడుద‌ల కానున్న సంగ‌తి తెలిసిందే.