చాలా మంది పెద్ద హీరోయిన్లు వేశ్య పాత్రల్లో నటించి మెప్పించారు. బాలీవుడ్‌లో కరీనా, విద్యా బాలన్‌ తదితరులు వేస్య పాత్రల్లో నటించారు. తెలుగు విషయానికి వస్తే, స్టార్‌ హీరోయిన్‌ అనుష్క 'వేదం' సినిమాలో వేశ్యగా నటించింది. మరో హీరోయిన్‌ శ్రియ కూడా 'పవిత్ర' సినిమాలో అదే క్యారెక్టర్‌లో కనిపించింది. ఇకపోతే ఛార్మింగ్‌ గాళ్‌ ఛార్మి కూడా 'జ్యోతిలక్ష్మీ' సినిమాలో వేశ్య పాత్రలో నటించి మెప్పించింది. ఈ సినిమాల్లో ఆయా పాత్రలు ఆ హీరోయిన్స్‌కి నటన పరంగా మంచి గుర్తింపును తెచ్చిపెట్టాయి. చాలా ఛాలెంజింగ్‌ పాత్రలివి. తాజాగా ఈ క్యారెక్టర్‌లో నటించడానికి మరో ముద్దుగుమ్మ రెడీ అవుతోంది. ఆమె ఎవరో కాదు, 'జయం' సినిమాతో తెలుగు తెరకు పరిచయమై, పలు చిత్రాల్లో నటించిన బ్యూటీ సదా. అఫ్‌కోర్స్‌ ఈ బ్యూటీ గుర్తుంది కదా. వెండితెరకు దూరమై చాలా కాలం అయ్యింది కదా అందుకు. బుల్లితెరపై ఓ డాన్స్‌ ప్రోగ్రాంకి హోస్ట్‌గా వ్యవహరిస్తోంది. గత కొంత కాలంగా సినిమాల్లో నటించడం లేదు సదా. తాజాగా ఓ తమిళ చిత్రంతో రాబోతోంది. సినిమా పేరు 'టార్చ్‌లైట్‌'. ఈ సినిమాలో అమ్మడు వేస్య క్యారెక్టర్‌లో నటిస్తోంది. చాలా గ్యాప్‌ తర్వాత రావడం అదీ ఇలాంటి పాత్రలో అంటే, సదా రిస్క్‌ చేస్తోందనిపిస్తోంది. ఎందుకంటే సదాని ప్రేక్షకులు మర్చిపోయి చాలా కాలం అయ్యింది. ఈ తరుణంలో ఇలాంటి క్యారెక్టర్‌ అంటే కొంచెం ఇబ్బందికరంగా ఉంది కానీ. ఇలాంటి క్యారెక్టర్స్‌లో నటించడం అంటే కొంచెం రిస్క్‌ ఉన్నప్పటికీ, అనూహ్యంగా మంచి గుర్తింపు దక్కే అవకాశాలు లేకపోలేవు. తమిళంలో రూపొందుతోన్న ఈ సినిమాని తెలుగులోనూ విడుదల చేస్తారట. ఏమో సదా ఈ సినిమాతో మళ్లీ ఫామ్‌లోకి వస్తుందేమో చూడాలిక.