మెగా మేనల్లుడు సాయి ధరమ్‌ తేజ్‌కి తన ప్రతీ సినిమాకీ ఏదో ఒక రీ మిక్స్‌ సాంగ్స్‌ చేయడం అలవాటు. మామయ్య చిరంజీవి సినిమాల్లోని పాపులర్‌ సాంగ్స్‌ని తీసుకుని రీ మిక్స్‌ చేస్తూ ఉంటాడు తేజు. అలా ఇంతవరకూ గోలీమార్‌.., గువ్వా గోరింకా.., సుప్రీమ్‌ హీరో..సాంగ్స్‌ని రీ మిక్స్‌ చేసి అదిరిపోయే స్టెప్పులతో అలరించాడు. ఆ సాంగ్స్‌ ఉన్న సినిమాలు కూడా తనకి సూపర్‌ సక్సెస్‌ని తెచ్చి పెట్టాయి. తేజు కొత్త సినిమా స్టార్ట్‌ అయిన సంగతి తెలిసిందే. బి.వి.ఎస్‌.రవి దర్శకత్వంలో తెరకెక్కుతోన్న ఈ సినిమాకి 'జవాన్‌' అనే టైటిల్‌ని పెట్టారు. ఈ సినిమా కోసం ఓ పవర్‌ ఫుల్‌ రీ మిక్స్‌ సాంగ్‌ని ప్లాన్‌ చేస్తున్నాడట. అయితే ఈసారి చిన్న మామయ్య పవన్‌ కళ్యాన్‌ సాంగ్‌ని రీ మిక్స్‌ చేసే యోచనలో తేజు ఉన్నట్లు తెలుస్తోంది. అయితే ఇంతవరకూ తేజుకి మెగాస్టార్‌ రీ మిక్స్‌ సాంగ్స్‌ బాగా కలిసి వచ్చాయి. ఈ సారి మరి పవన్‌ రీ మిక్స్‌ సాంగ్‌ ఎంతవరకూ కలిసొస్తుందో చూడాలి. ఏది ఏమైనా రీ మిక్స్‌ చేయడం అయితే పక్కా అంటున్నాడు సాయి ధరమ్‌ తేజ్‌. ఈ సినిమాలో ముద్దుగుమ్మ మెహరీన్‌ కౌర్‌ హీరోయిన్‌గా నటిస్తోంది. త్వరలోనే సాయి ధరమ్‌ తేజ్‌ 'విన్నర్‌' సినిమాతో ప్రేక్షకుల ముందుకు రానున్నాడు. రకుల్‌ ప్రీత్‌ సింగ్‌ హీరోయిన్‌గా నటిస్తోంది ఈ సినిమాలో. స్పోర్ట్స్‌ బ్యాక్‌ డ్రాప్‌లో వస్తోన్న సినిమా ఇది. ఈ సినిమాపై భారీగా అంచనాలున్నాయి.
