మెగా మేనల్లుడు సాయి ధరమ్‌ తేజ్‌ ఇటీవలే 'విన్నర్‌' సినిమాతో ప్రేక్షకుల ముందుకు వచ్చాడు. ఈ సినిమా విజయవంతంగా దూసుకెళ్లిపోతోంది. వసూళ్ల విషయంలో జోరుగానే ఉన్నాడు మెగా మేనల్లుడు. ఇది కాక మరో కొత్త చిత్రం బి.వి.యస్‌.రవి దర్శకత్వంలో తెరకెక్కుతోందన్న సంగతి తెలిసిందే. ఈ సినిమాలో ముద్దుగుమ్మ మెహరీన్‌ కౌర్‌ హీరోయిన్‌గా నటస్తోందన్న సంగతి కూడా తెలిసిందే. అయితే ఈ సినిమాలో సాయి ధరమ్‌ తేజ్‌ పవన్‌ కళ్యాణ్‌ పాటని రీమిక్స్‌ చేయాలనుకుంటున్నాడట. ఇప్పటికే పెద్ద మామయ్య చిరంజీవి సాంగ్స్‌ని తన సినిమాలో రీమిక్స్‌ చేసిన అలవాటుంది సాయి ధరమ్‌ తేజ్‌కి. అయితే ఈసారి తనకెంతో ఇష్టమైన చిన్న మామయ్య పవన్‌ కళ్యాణ్‌ సినిమాలోని సాంగ్‌ని రీమిక్స్‌ చేయాలనుకుంటున్నాడట. అందుకోసం చిత్ర యూనిట్‌ కొంచెం గట్టిగానే కసరత్తులు చేస్తోందట. టైటిల్‌కి తగ్గట్లుగా పవన్‌ సినిమాలోంచి ఓ పవర్‌ ఫుల్‌ సాంగ్‌ని ఈ సినిమా కోసం తీసుకోవాలని భావిస్తున్నాడట సాయి ధరమ్‌ తేజ్‌. అందుకోసం తన స్నేహితులతో పాటు, చిరంజీవి సలహా కూడా తీసుకోవాలనుకుంటున్నాడట మెగా మేనల్లుడు. 'సుప్రీమ్‌' సినిమాలో సుప్రీమ్‌ హీరో.. అంటూ ఆ పాటని రీమిక్స్‌ చేశాడు. 'సుబ్రహ్మణ్యం ఫర్‌ సేల్‌' సినిమాలో 'గువ్వా గోరింకా.. రొమాంటిక్‌ సాంగ్‌తో వచ్చాడు. ఈ సారి పవన్‌ సినిమాలోంచి ఏ సాంగ్‌ని తీసుకొస్తాడో తేజు అంటూ మెగా అభిమానులు ఆశక్తిగా ఎదురు చూస్తున్నాడు.