'ఫిదా' సినిమాతో ఇటు ఆడియన్స్‌నీ, అటు ఇండస్ట్రీని ఫిదా చేసేసిన బ్యూటీ సాయి పల్లవి విషయంలో ఈ మధ్య 'ఫిదా' అనే మాట బాగా వాడుక అయిపోయింది. కానీ ఈ ముద్దుగుమ్మకి ఈ మాటతో అప్పుడెప్పుడోనే పరిచయం ఉంది. ఎక్స్‌ట్రార్డ్‌నరీ యాక్టింగ్‌ స్కిల్స్‌తో క్రేజీ ఆఫర్స్‌ దక్కించుకుంటున్న ఈ బ్యూటీ గతంలోనే ఫిదా అనిపించుకుంది.
ఈ ముద్దుగుమ్మ డాన్సుల్లో సూపర్బ్‌ అని తొలి సినిమాకే ప్రూవ్‌ చేసుకుంది. అయితే ఈ బ్యూటీ ఏదో కేవలం సినిమా కోసం డాన్స్‌ చేయడం కాదట. చిన్నప్పటి నుండీ డాన్సుల్లో మక్కువ ఎక్కువేనట. ఆ మక్కువతోనే, ఇంటర్మీడియట్‌లో ఉన్నప్పుడే ఈటీవీ డాన్స్‌ షో 'ఢీ'లో పార్టిసిపేట్‌ చేసింది. అప్పుడు ఆ షోకి ప్రభుదేవా డాన్స్‌ షోగా సూపర్‌ పాపులారిటీ వుంది. అప్పట్లో ఆ షోకి జడ్జ్‌లుగా వ్యవహరించిన తరుణ్‌ మాస్టర్‌, బృందా మాస్టర్‌ సాయి పల్లవి డాన్సులకు అప్పుడే ఫిదా అయిపోయారు.
'ఫిదా' అనే ఈ మాట అప్పుడే వారి నోట అనిపించేసుకుంది ఈ బ్యూటీ. ఇప్పుడు ఆ షోలో సాయి పల్లవి పర్‌ఫామ్‌ చేసిన ఆ డాన్స్‌ వీడియోలు సోషల్‌ మీడియాలో హల్‌చల్‌ చేస్తున్నాయి. ఆ షోలో అమ్మడి పర్‌ఫామెన్స్‌కి తరుణ్‌ మాస్టర్‌, బృందా మాస్టర్‌ ఇద్దరూ సాయి పల్లవిని ఫ్యూచర్‌లో మంచి పొజిషన్‌కి వస్తావనీ అప్పుడే దీవించారు. అందుకు తగ్గట్టుగానే ఈ ముద్దుగుమ్మ తొలి ప్రయత్నంలోనే నటిగా సూపర్‌ అనిపించుకుంది. విమర్శకుల ప్రశంసలు అందుకుంటోంది.
అంతేకాదు ఇప్పుడు మొటిమలతో ఉన్న ఆమె ముఖం అప్పుడు చాలా అందంగా ఉంది కూడా. క్యూట్‌ గ్లామర్‌తో 'జోష్‌ అండ్‌ ఫెయిర్‌ బ్యూటీ' అనిపించుకుంది. నిజంగానే ఆ వీడియోస్‌లో మన బాన్సువాడ భానుమతి భలే ముద్దుగుందిలే!
