'ఫిదా'తో తెలుగు ప్రేక్షకుల్ని ఫిదా చేసేసిన బ్యూటీ సాయి పల్లవి ఇప్పుడు మళ్లీ ఫిదా చేయడానికి రెడీ అయిపోతోంది. 'భానుమతి' ఒక్కటే పీస్‌ అని శేఖర్‌ కమ్ముల తన గురించి తానే చెప్పుకునే డైలాగ్‌ని చెప్పించాడు. ఆమె ఫ్యూచర్‌ని ముందే గ్రహించేసి వుంటాడు శేఖర్‌ కమ్ముల. ఎందుకంటే ఇది నిజం. 

తొలి సినిమాకే తన పాత్రకి తాను డబ్బింగ్‌ చెప్పుకుంది. అంతేనా యాక్టింగ్‌లో పాత్రలో పరకాయ ప్రవేశం చేసేసింది. ఆ పాత్ర తన కోసమే పుట్టిందా అన్నట్లుగా నటించి మెప్పించింది. ఆమెను మెచ్చుకోని వారు లేరంటే అతిశయోక్తి కాదు మొదటి సినిమాకే. ఇప్పుడు నాని హీరోగా వస్తున్న 'ఎంసీఏ' సినిమాతో ప్రేక్షకుల ముందుకు రాబోతోంది. తాజాగా వచ్చిన టీజర్‌లో ఏకంగా నానినే డోమినేట్‌ చేసేసింది సాయి పల్లవి. నాని అంటేనే అసలు నటనకి జీవం పోసేస్తాడు. అలాంటిది నాని కి షాక్‌ ఇచ్చింది టీజర్‌లోనే ఇంత చేస్తే అమ్మడు సినిమాలో ఇంకెంత చేస్తుందో. 

దిల్‌ రాజు ప్రొడక్షన్‌లో వేణు శ్రీరామ్‌ దర్శకత్వంలో తెరకెక్కుతోన్న సినిమా ఇది. తొలి సినిమా 'ఫిదా'లో మెగా ప్రిన్స్‌ వరుణ్‌ తేజ్‌ క్యారెక్టర్‌ని డామినేట్‌ చేసింది 'భానుమతి'గా. దాంతో టోటల్‌ క్రెడిట్‌ అంతా సాయి పల్లవికే వెళ్లిపోయింది ఆ సినిమాలో. పోనీ వరుణ్‌ అంటే ఓకే. కానీ నాని ఎన్ని సినిమాల ఎక్స్‌పీరియన్స్‌ ఉంది నానికి. అయినా కానీ ఒక్క డైలాగ్‌తోనే నానిని పక్కన పెట్టేసి, అందరి దృష్టినీ తనవైపు మళ్లించేసుకుంది. వామ్మో ఈ బ్యూటీ తక్కువదేం కాదండోయ్‌. 

చాలా కేర్‌గా ఉండాల్సిందే ఈ ముద్దుగుమ్మ విషయంలో. గ్లామర్‌కి చోటివ్వనంటుంది కానీ పర్‌ఫామెన్స్‌ మాత్రం కెవ్వుకేక అంతే. పర్‌ఫామెన్స్‌లో సాయి పల్లవిని కొట్టేవాళ్లే లేరనిపిస్తోంది. డిశంబర్‌లో 'ఎంసీఏ - మిడిల్‌ క్లాస్‌ అబ్బాయి' వచ్చేస్తున్నాడు కాస్కోండి గురూ!