నాని సినిమాల్లో హీరోయిన్లు డామినేష‌న్ చేయ‌డం చాలా తక్కువ‌. ఇద్ద‌రు హీరోయిన్లు న‌టించిన సంద‌ర్భాలు సైతం లేనే లేవు. అయితే ఈసారి నాని ఇద్ద‌రు కాదు, ఏకంగా ముగ్గురు హీరోయిన్ల‌తో రొమాన్స్ చేయ‌బోతున్న‌ట్టు టాక్‌. నాని క‌థానాయ‌కుడిగా టాక్సీవాలా ద‌ర్శ‌కుడు రాహుల్ సంకృత్య‌న్ ద‌ర్శ‌క‌త్వంలో ఓ సినిమా తెర‌కెక్కుతోంది. ఇందులో ముగ్గురు హీరోయిన్లు ఉంటార‌ని తెలుస్తోంది.

ఓ క‌థానాయిక‌గా సాయి ప‌ల్ల‌విని ఎంచుకున్నారు. ఎంసీఏ త‌ర‌వాత నాని - సాయి ప‌ల్ల‌వి జంట‌గా న‌టిస్తున్న చిత్ర‌మిదే. రెండో క‌థానాయికగా ర‌ష్మిక సెట్ అయ్యింద‌ని టాక్‌. మూడో హీరోయిన్ కోసం అన్వేష‌ణ మొద‌లైంది. ఆ పాత్ర‌లో రాశీఖన్నా పేరు గ‌ట్టిగా వినిపిస్తోంది. ర‌ష్మిక‌, రాశీఖన్నాల‌తో నాని ఇదివ‌ర‌కు న‌టించ‌లేదు. కాబ‌ట్టి కాంబినేష‌న్ చాలా ఫ్రెష్‌గా ఉండే అవ‌కాశం ఉంది. ప్ర‌స్తుతం రాహుల్ స్క్రిప్టు ప‌నుల్లో బిజీగా ఉన్నాడు. ఈ చిత్రానికి సంబంధించిన పూర్తి వివ‌రాలు త్వ‌ర‌లోనే వెల్ల‌డ‌వుతాయి.