అర‌వింద స్వామి... ధృవ‌లో తెలుగు ప్రేక్ష‌కుల్ని ఆక‌ట్టుకున్నాడు. విలన్ గా న‌టించి. స్టైలీష్ విల‌న్‌గా అర‌వింద్ స్వామి న‌ట‌న ఆ చిత్రానికి ఎంతో వ‌న్నె తెచ్చింది. ధృవ త‌ర‌వాత అర‌వింద్ స్వామి కి అలాంటి ఆఫ‌ర్లు చాలా వ‌చ్చాయి. కానీ దేన్నీ ఒప్పుకోలేదు. ఇప్పుడు మ‌రోసారి అర‌వింద్ స్వామికి విలన్ పాత్ర ద‌క్కిన‌ట్టు స‌మాచారం. మహేష్ బాబు క‌థానాయ‌కుడిగా న‌టిస్తున్న చిత్రం `స‌ర్కారు వారి పాట`.
ఈ చిత్రంలో అర‌వింద్ స్వామి విలన్ గా న‌టించే ఛాన్స్ ఉంద‌ని టాలీవుడ్ లో గుస‌గుస‌లు వినిపిస్తున్నాయి. నిజానికి ఈ సినిమా కోసం ఉపేంద్ర పేరు ప‌రిశీలించారు. చ‌ర్చలు కూడా జ‌రిగాయి. మ‌రి అంత‌లోనే ఏమైందో, అర‌వింద్ స్వామి రేసులోకి వ‌చ్చాడు. అందం అంటే మహేష్ అని, ఇప్ప‌ట్లో ఎలా చెప్పుకుంటున్నామో, అప్ప‌ట్లో అందం అంటే అర‌వింద స్వామి అనుకునేవారు. అఫ్ కోర్స్‌.. ఇప్ప‌టికీ ఆ గ్రేసు త‌గ్గ‌లేద‌నుకోండి. మహేష్ - అర‌వింద్ స్వామిల‌ను ఒకే సారి స్క్రీన్‌పై చూస్తే వెండి తెర వెలిగిపోవ‌డం ఖాయం. మ‌రి అర‌విందుడైనా నిక‌ర‌మేనా, మ‌రో పేరు బ‌య‌ట‌కు వ‌స్తుందా? ఏమో మ‌రి. ఏం జ‌రుగుతుందో చూడాలి.
