కృష్ణవంశీ సినిమాల్లో నటించిన తర్వాత హీరోలు రాటు దేలతారన్న సంగతి తెలిసిందే. అలాగే మెగా మేనల్లుడు సాయి ధరమ్‌తేజ్‌ కూడా బాగా రాటు దేలాడు. కృష్ణవంశీ తెరకెక్కిస్తున్న సినిమా 'నక్షత్రం'లో సాయిధరమ్‌ తేజ్‌ గెస్ట్‌ పాత్రలో నటిస్తున్న సంగతి తెలిసిందే. అలెగ్జాండర్‌ అనే పాత్రలో నటిస్తున్నాడు సాయి ధరమ్‌తేజ. ఎప్పుడూ నవ్వుతూ నవ్విస్తూ ఉండే తేజు ఈ సినిమాలో సీరియస్‌ పోలీసాఫీసర్‌గా నటిస్తున్నాడు. ఈ పాత్ర పరిధి చాలా తక్కువే అయినప్పటికీ, చాలా ఇంపార్టెన్స్‌ ఉన్న పాత్ర . ట్రైలర్‌లోనే ఈ విషయం అర్ధమవుతోంది. 'అలెగ్జాండర్‌ ఎక్కడ? అలెగ్జాండర్‌ ఎక్కడ..? అంటూ పలు క్యారెక్టర్స్‌ ఆ పాత్ర పేరును ప్రస్థావిస్తున్నాయంటేనే అలెగ్జాండర్‌ పాత్రకి ఎంత ప్రాధాన్యత ఉందో తెలిసిపోతోంది. కృష్ణవంశీ సినిమాలోని నటీ నటులను ఆ సినిమాకి ముందు, ఆ సినిమాకి తర్వాత అనే రేంజ్‌లో కౌంట్‌ చేయాలి పెర్పామెన్స్‌ విషయంలో. తేజు కూడా అలాగే మారిపోయా డట. ఈ పాత్రను ఎంతో ఇష్టపడి చేశాడట. అంతే కాదు 'నక్షత్రం'లో తన అలెగ్జాండర్‌ పాత్రకి రెమ్యునరేషన్‌ కూడా తీసుకోలేదంట సాయి ధరమ్‌ తేజ్‌. అందుకే ప్రత్యేకంగా కృష్ణవంశీ తేజుకి థాంక్స్‌ చెప్పడం విశేషం. సందీప్‌ కిషన్‌, రెజీనా జంటగా నటిస్తున్న ఈ సినిమాలో ప్రగ్యా జైశ్వాల్‌ ఓ గెస్ట్‌ రోల్‌ చేస్తోంది. తేజుతో ప్రగ్యా జత కట్టింది ఈ సినిమాలో. షూటింగ్‌ పూర్తి చేసుకుని నిర్మాణానంతర కార్యక్రమాల్లో బిజీగా ఉంది చిత్ర యూనిట్‌. మరో పక్క తేజు 'జవాన్‌' సినిమాలో నటిస్తున్నాడు. ఈ సినిమాలో మెహరీన్‌ కౌర్‌ తేజుకి జంటగా నటిస్తోంది.