ఈ ఏడాది సంక్రాంతికి వచ్చిన 'సంక్రాంతికి వస్తున్నాం' మూవీ బ్లాక్ బస్టర్ హిట్ గా నిలిచింది. మిగతా రెండూ సినిమాలు కూడా హిట్ టాక్ తెచ్చుకున్నా అసలు సిసలైన సంక్రాంతి బొమ్మగా ఈ సినిమా నిలవగా. సంక్రాంతి హీరోగా వెంకీ ఫుల్ మార్క్స్ కొట్టేశారు. ఇప్పటికే అనీల్ రావి పూడి, వెంకీ కాంబోలో మూడు సినిమాలు రాగా మూడు సూపర్ హిట్ అయ్యాయి. నెక్స్ట్ ఈ మూవీకి సీక్వెల్ కూడా తీస్తానని అనీల్ చెప్పిన సంగతి తెలిసిందే. వరుస హిట్స్ తో రాజమౌళి చెంతకి చేరిన అనీల్ సక్సెస్ జోష్ లో ఉన్నాడు.

సంక్రాంతికి వస్తున్నాం కేవలం 60 కోట్లతో తెరకెక్కగా దాదాపు 300 కోట్లు రాబట్టింది. ఈ మూవీ కేవలం తెలుగులోనే రిలీజ్ చేసారు. పాన్ ఇండియా సినిమా కాకపోవటంతో ఇప్పడు రీమేక్ రైట్స్ కోసం చాలా మంది అప్రోచ్ అవుతున్నారట. ఈ క్రమంలో హిందీ రీమేక్ టాపిక్ రాగా అనిల్ రావి పూడి స్పందిస్తూ ఈ మూవీని తానే హిందీలో తెరకెక్కిస్తానని, సల్మాన్ ఖాన్ హీరో అయితే బాగుంటుంది అని తన మనసులో మాట బయట పెట్టాడు.

సల్మాన్ అయితే వెంకీ నటనతో మ్యాచ్ చేయగలడు. సల్మాన్ ఈ కథకు పర్ఫెక్ట్ ఛాయిస్ అని పేర్కొన్నాడు అనీల్. నిజంగా సంక్రాంతికి వస్తున్నాం సినిమా బాలీవుడ్ లో రీమేక్ చేసే ఉద్దేశ్యంతో అనీల్ సల్మాన్ ని అప్రోచ్ అయితే కచ్చితంగా వర్కౌట్ అవుతుంది. ఈ మధ్య బాలీవుడ్ లో సరైన సినిమా రాలేదు. వారి మార్కెట్ ప్రస్తుతం డౌన్ లో ఉంది. స్టార్ హీరో సినిమాకి  కూడా ఓపెనింగ్స్ రాక నష్టాలు బాట పడుతున్నారు. సౌత్ డైరెక్టర్స్ కి ప్రస్తుతం బాలీవుడ్ లో ఆదరణ పెరుగుతోంది. నిజంగా అనీల్ బాలీవుడ్ లో అడుగుపెట్టాలనుకుంటే ఇదే సరైన టైంఅని కొందరి అభిప్రాయం.