అక్కినేని కోడలు సమంత ప్రస్తుతం 'ఓ బేబీ' సినిమా ప్రమోషన్స్‌తో బిజీగా ఉంది. అంతా తానై ఈ సినిమా ప్రమోషన్స్‌ బాధ్యత తీసుకుంది సమంత. అవును నిజమే ఈ సినిమా విషయంలో సమంత తెరపైనే కాదు, తెర వెనక కూడా కీలక పాత్ర పోషించింది. సమంత కాకుంటే, ఈ సినిమాని తాను తెరకెక్కించలేకపోయేదాన్నని ఈ సినిమా డైరెక్టర్‌ నందినీ రెడ్డి స్వయంగా చెప్పారు కూడా. కాసేపు ఈ సంగతి పక్కన పెడదాం. సమంత గ్లామర్‌ గురించి సరదాగా కాసేపు ముచ్చటించుకుందామే. మన బేబీ చిలిపి మాత్రమే కాదండోయ్‌. సో హాట్‌ కూడా.
అందుకు సమంత పోస్ట్‌ చేసిన తాజా ఫోటోనే నిదర్శనం. పెళ్లి తర్వాత సినిమాల్లో గ్లామర్‌కి చోటిచ్చేందుకు సమంత పెద్దగా ఇంట్రెస్ట్‌ చూపించడం లేదు. కానీ, నట్టింట్లో కాదు కాదు, నెట్టింట్లో మాత్రం అందాల ఆరబోతకు మొహమాటమేమీ పడడం లేదు. తాజా పిక్‌ విషయానికి వస్తే, సమంత ధరించిన ఈ బ్లాక్‌ డ్రస్‌ ఇప్పుడు చర్చనీయాంశమైంది. తాచుపాము కుబుసంలా ఉన్న ఈ డ్రస్సుకి సైడ్‌లో ఉన్న స్కిన్‌ కలర్‌ స్ట్రచ్‌, స్పెషల్‌ అట్రాక్షన్‌ అయ్యింది. ఆమె కూర్చున్న తీరు, చూపుల్లో గ్రేస్‌ అన్నీ ఫోటో బ్యూటీకి సరిగ్గా అతికినట్లు సరిపోయాయి. అందుకే ఈ పిక్‌కి లక్షల్లో లైకులూ, 'ఓ బేబీ.. సో సెక్సీ..' అంటూ కామెంట్లు పోటెత్తుతున్నాయి.
