నాగ చైతన్య - సమంత జంటగా తెరకెక్కిన 'ఏ మాయ చేశావె' చిత్రం అప్పట్లో ఎంత సెన్సేషన్‌ అయ్యిందో ప్రత్యేకించి చెప్పనక్కర్లేదు. సమంతకిది తొలి సినిమా. నాగ చైతన్యకి యూత్‌లో క్రేజ్‌ సంపాదించి పెట్టిందీ చిత్రం. కాగా తెలుగులోనూ, తమిళంలోనూ ఒకేసారి రూపొందించబడిన ఈ చిత్రం తమిళ వెర్షన్‌లో శింబు, త్రిష నటించారు. 

కాగా లేటెస్టుగా శింబు ఈ సినిమాకి సీక్వెల్‌ తీస్తున్నట్లుగా ప్రకటించాడు. మరి మొదటి పార్ట్‌లాగానే ఈ సీక్వెల్‌ని కూడా రెండు భాషల్లోనూ తెరకెక్కిస్తారా? ఈ సారి కూడా సమంత, చైతన్య జంటగా నటిస్తారా? అనే విషయంలో ప్రస్తుతానికి క్లారిటీ లేదు. కానీ ఒకవేళ ఈ సినిమా సీక్వెల్‌లో ఈ జంట నటిస్తే, మళ్లీ ఆ స్థాయిలో హిట్‌ కొడతారా? అనేది కూడా అనుమానమే. ఆ సినిమాతో రీల్‌ లైఫ్‌లో ఒక్కటైన ఈ జంట రియల్‌ లైఫ్‌లోనూ ప్రేమించి పెళ్లాడారు. పెళ్లి తర్వాత కూడా ఒకరి అభిరుచుల్ని మరొకరు గౌరవించుకుంటూ, యాక్టింగ్‌లో కొనసాగుతున్నారు. 

ప్రస్తుతం చై, శామ్‌ ఇద్దరూ తమ తమ సినిమాలతో బిజీగా ఉన్నారు. ఇటీవల సమంత నటించిన 'రంగస్థలం', 'మహానటి', 'అభిమన్యుడు' చిత్రాలు మంచి విజయం అందుకున్నాయి. త్వరలోనే చైతన్య, శామ్‌ కలిసి ఓ రొమాంటిక్‌ లవ్‌ స్టోరీలోనూ నటించనున్నారు. ఆల్రెడీ ఈ సినిమాకి ఈ జంట సైన్‌ చేసింది కూడా. 

ఇక లేటెస్టుగా వెలుగులోకి వచ్చిన 'ఏ మాయ చేశావె' సీక్వెల్‌ని వీరిద్దరూ కన్‌ఫామ్‌ చేయాల్సి ఉంది. ఈ సీక్వెల్‌కి కూడా గౌతమ్‌ మీనన్‌ దర్శకత్వం వహించనున్నారు. రెహమాన్‌ మ్యూజిక్‌ అందించనున్నారు.