మినీ మల్టీ స్టారర్‌ 'శమంతకమణి' రేపే విడుదల కానుంది. సందీప్‌ కిషన్‌, ఆది, సుధీర్‌బాబు, నారా రోహిత్‌ హీరోలుగా నటిస్తున్నారు ఈ సినిమాలో. నవ్వుల రారాజు రాజేంద్రప్రసాద్‌ ఈ సినిమాకి అదనపు ఆకర్షణ కానున్నారు. ఈయనపై వచ్చిన ప్రోమోస్‌కి ఇప్పటికే మంచి రెస్పాన్స్‌ వస్తోంది. అలాగే సినిమా కూడా ఇంట్రెస్ట్‌ని క్రియేట్‌ చేసేలా ఉంది. 'ఈ శమంతకమణి ఏంట్రా నాతో ఆడుకుంటోంది' అంటూ నారా రోహిత్‌ చెప్పే డైలాగ్‌ బాగుంది. వినోదంతో పాటు, సినిమాలో ఏముందా, అసలీ శమంతక మణి గోలేంటా? అనిపిస్తోంది. ఇదిలా ఉండగా మరో సినిమా 'పటేల్‌ సర్‌' కూడా రేపే విడుదలవుతోంది. ఓ పాపని రక్షించే కథాంశంతో ఈ సినిమా తెరకెక్కుతోంది. హ్యాండ్‌సమ్‌ జగపతిబాబు తన ఒరిజినల్‌ గెటప్‌తో ఆకట్టుకుంటున్నారు ఈ సినిమాలో. డిఫరెంట్‌ యాక్షన్‌ సన్నివేశాలు, ఇంట్రెస్టింగ్‌ కథా, కథనాలతో పాటు రొమాంటిక్‌ సాంగ్స్‌ ఇలా అన్ని కమర్షియల్‌ ఎలిమెంట్స్‌ ఉన్నట్లుగా అనిపిస్తోంది ఈ సినిమా. విలన్‌గా సెకండ్‌ ఇన్నింగ్స్‌ స్టార్ట్‌ చేసినాక, చాలాకాలం తర్వాత జగపతిబాబు హీరోగా నటిస్తున్న సినిమా ఇది. ఇందులో జగపతిబాబు డ్యూయల్‌ రోల్‌ చేస్తున్నారనే గాసిప్స్‌ తాజాగా వినవస్తున్నాయి. స్టైలిష్‌ గెటప్‌లో జగపతిబాబు కనిపిస్తున్నారు. వారాహి సంస్థ ఈ చిత్రాన్ని నిర్మిస్తోంది. మొత్తానికి ఈ రెండూ దేనికదే ప్రత్యేకత కలిగి ఉన్న చిత్రాలు. రెండు సినిమాలపై ఉన్న ఆశక్తి చూస్తుంటే వీటికి ఓపెనింగ్స్‌ బాగా వచ్చేలానే ఉన్నాయి. ఏమో ఏం జరుగుతుందో చూడాలిక.
