ఈ మధ్య బేబీ బంప్‌తో సోషల్‌ మీడియాలో తెగ హల్‌చల్‌ చేసిన ముద్దుగుమ్మ సమీరారెడ్డి ఆడబిడ్డకి జన్మనిచ్చింది. 'మా ఫ్యామిలీలోకి క్యూట్‌ లిటిల్‌ గాళ్‌ వచ్చింది..' అంటూ సోషల్‌ మీడియా ద్వారా తన ఆనందాన్ని ఫ్యాన్స్‌తో షేర్‌ చేసుకుంది సమీరారెడ్డి. అక్షయ్‌ వార్దే, సమీరారెడ్డి దంపతులకు ఇది రెండో సంతానం. అంతకు ముందే ఈ జంటకు మొదటి సంతానంగా ఓ కొడుకు ఉన్నాడు. తెలుగులో 'అశోక్‌', నరసింహుడు', 'జై చిరంజీవా' చిత్రాలతో హీరోయిన్‌గా సుపరిచితురాలైన సమీరారెడ్డి.
ఈ మధ్య ప్రెగ్నెన్సీ కన్‌ఫామ్‌ అయిన నాటి నుండీ, సోషల్‌ మీడియాలో చేస్తున్న సందడి అంతా ఇంతా కాదు. బేబీ బంప్‌ని ఎక్స్‌పోజ్‌ చేస్తూ డిఫరెంట్‌ టైప్‌లో ఫోటో సెషన్స్‌ చేయించుకుని అందర్నీ ఆశ్చర్యపరిచింది. ఈ మధ్యనే తొమ్మిది నెలల నిండు గర్భిణిగా అండర్‌ వాటర్‌ స్టంట్స్‌ చేసి, కొందరిని భయపెట్టినా, మరికొందరితో విమర్శల పాలైనా, చాలా మందితో భళా అనిపించుకున్న సమీరారెడ్డికి ఎట్టకేలకు డెలివరీ అయ్యింది.
మొత్తానికి సమీరారెడ్ది చేసిన ఫీట్స్‌తో ఈ బేబీ భూమ్మీదకి రావడానికి ముందే బోలెడంత పాపులర్‌ అయిపోయింది. ముఖ పరిచయం ఇంకా కాలేదు కానీ, మదర్‌ హ్యాండ్‌లో, బేబీ హ్యాండ్‌ ఉన్నట్లుగా ఉన్న ఫోటోతో ఈ క్యూట్‌ బేబీని ప్రస్తుతం పరిచయం చేసింది సమీరారెడ్డి. త్వరలోనే జూనియర్‌ సమీరాకి సంబంధించిన అసలు ఫోటో బయటికి రానుందేమో చూడాలిక.
