కామెడీలో ‘వెరైటీ అతి’కి పరాకాష్ట సంపూర్నేష్‌బాబు సినిమాలు. సంపూ సినిమా వస్తోందంటే ఆ కిక్కే వేరప్పా. ‘హృదయకాలేయం’ నుంచి ‘కొబ్బరిమట్ట’ వరకూ సంపూ చేసిన సినిమాలన్నీ దేనికదే ప్రత్యేకం. ఎప్పుడు సినిమా స్టార్ట్‌ అవుతుందో, ఎప్పుడు సినిమా పూర్తవుతుందో తెలియదు.. కానీ, అనూహ్యంగా సినిమాలు ది¸యేటర్లలోకి వచ్చేస్తుంటాయి. తాజాగా సంపూర్నేష్‌ నుంచి ఇంకో సినిమా రాబోతోంది. సినిమాకి టైటిల్‌ ‘క్వశ్చన్‌ మార్క్‌’. అవును ఇది నిజ్జంగా నిజం. జులై 30న ఈ సినిమా విడుదల కాబోతోందట. పైగా, చైనాలోని వుహాన్‌లోని గబ్బిలాల మార్కెట్‌లో చిత్రీకరించిన చివరి సినిమా అట.
ఈ తరహా ప్రచారాలు సంపూ సినిమాలకే ప్రత్యేకం. సినిమా ఎప్పుడు ప్రారంభమయ్యిందో ఎవరికీ తెలియదు. కానీ, సంపూ పుట్టినరోజు సందర్భంగా ఈ రోజు ఆసక్తికరమైన పోస్టర్స్‌ని విడుదల చేశారు. అందులో కరోనా వైరస్‌కి సంబంధించిన అంశాల్ని పొందుపర్చారు. ఏ మాటకామాటే చెప్పాలంటే, సంపూ లుక్‌ అదిరిపోయిందంతే. నోలన్‌ మౌలి ఈ చిత్రానికి దర్శకుడు. అసలే, లాక్‌డౌన్‌ కారణంగా అన్నీ మూసుకుపోయాయి. మరి, ది¸యేటర్లలో జులై 30న ఈ సినిమా ఎలా రిలీజ్‌ అవుతుందబ్బా.? దటీజ్‌ సంపూ.. తలచుకుంటే ఏదైనా చేసెయ్యగలడు. ఇంతకీ, పోస్టర్స్‌లో గబ్బిలాలతో పండగ చేసుకుంటున్న సంపూకి, వాటితో పనేంటట.? ఇదైతే ప్రస్తుతానికి సస్పెన్స్‌.
