బర్నింగ్‌ స్టార్‌ సంపూర్ణేష్‌ బాబు ఆగస్ట్‌ 10న 'కొబ్బరిమట్ట' సినిమాతో ప్రేక్షకుల ముందుకు వస్తున్న సంగతి తెలిసిందే. విసృతంగా ఈ సినిమాని ప్రమోట్‌ చేస్తున్నాడు. ప్రీ రిలీజ్‌ ఫంక్షన్‌కి మోహన్‌బాబును చీఫ్‌ గెస్ట్‌గా ఆహ్వానించాడు. పోస్టర్స్‌తో కిర్రాక్‌ పుట్టిస్తున్నాడు. ఎక్కడ చూసినా సంపూర్ణేష్‌ బాబే కనిపిస్తున్నాడు. విచ్చలవిడిగా ఇంటర్వ్యూలు ఇస్తున్నాడు.

ఇక సినిమాలో కథ విషయానికి వస్తే, 'ఒక కొడుకు, ఇద్దరు తండ్రులు, ముగ్గురు భార్యలు, నలుగురు తమ్ముళ్లు, ఆరుగురు చెల్లెళ్లు, ఏడు కాలాల పాటు గుర్తుండిపోయే కుంటుంబ కథా చిత్రం..' అంటూ విడుదల చేసిన 'కొబ్బరి మట్ట' తాజా పోస్టర్‌ అందర్నీ ఆకట్టుకుంటోంది. ఈ సినిమాలో సంపూర్ణేష్‌ బాబు మూడు డిఫరెంట్‌ గెటప్స్‌లో కనిపిస్తున్నాడు.

ప్రపంచ సినీ చరిత్రలోనే 3.30 నిముషాల డైలాగ్‌ని సింగిల్‌ షాట్‌లో చెప్పి, రికార్డు సృష్టించాడు మన సంపూర్ణేష్‌ బాబు. డైలాగులే కాదు, డాన్సులు, ఫైట్లూ.. ఇలా చాలా చాలా ఎలిమెంట్స్‌ సినిమాలో ఉన్నాయట. ఒకే ఒక్క సినిమా 'హృదయ కాలేయం'తో సోషల్‌ మీడియా సెన్సేషన్‌ అయ్యాడు అప్పట్లో సంపూ. ఇప్పుడు ఇంకోసారి తన రికార్డును తానే బ్రేక్‌ చేసుకోబోతున్నాడు 'కొబ్బరి మట్ట' సినిమాతో. రూపక్‌ రొనాల్డ్‌సన్‌ ఈ సినిమాకి దర్శకుడు.