'దిక్కులు చూడకు రామయ్యా' సినిమాలో హీరోయిన్‌గా నటించిన ముద్దుగుమ్మ సనా మక్యూల్‌ గుర్తుండే ఉంటుంది కదా. అటు తండ్రితో, ఇటు తనయుడితో ఒకేసారి ఆన్‌ స్క్రీన్‌ రొమాన్స్‌ నడిపే ఛాన్స్‌ దక్కింది ఈ బ్యూటీకి. సినిమా విజయం సాధించింది. దాంతో ఈ ముద్దుగుమ్మకి ఆ సినిమాతో మంచి గుర్తింపు వచ్చింది. ఆ తర్వాత తెలుగులో పెద్దగా అవకాశాల్లేవు కానీ, తమిళంలో బాగానే అవకాశాలు దక్కించుకుంటోంది. లేటెస్ట్‌గా ఈ బ్యూటీ తమిళంలో 'రంగూన్‌' సినిమాలో నటించింది. 'కడలి' ఫేమ్‌ గౌతమ్‌ కార్తీక్‌ ఈ సినిమాలో హీరోగా నటించాడు. ప్రముఖ దర్శకుడు మురుగదాస్‌ ఈ చిత్రానికి నిర్మాతగా వ్యవహారించారు. అయితే తెలుగులో కూడా ఈ 'రంగూన్‌'ని విడుదల చేయబోతున్నారట. 'కడలి' సినిమాతో తెలుగులోనూ గౌతమ్‌ సుపరిచితుడే. అంతేకాదు సీనియర్‌ నటుడు కార్తీక్‌కి తెలుగులో మంచి పేరుంది. తమిళంలో మంచి విజయం సాధించిన ఈ సినిమాని తెలుగులో కూడా విడుదల చేసి హిట్‌ కొట్టేయ్యాలనుకుంటున్నారు చిత్ర యూనిట్‌. త్వరలోనే ఈ చిత్రం తెలుగులో ప్రేక్షకుల ముందుకు రానుంది. సనా మక్యూల్‌ ఈ సినిమాతో మరోసారి తెలుగులో సందడి చేయనుందన్న మాట.