ముద్దుగుమ్మ సంజన కేవలం గ్లామరస్‌ పాత్రలకే పరిమితం కాదండోయ్‌. ఈ మధ్య ఇంపార్టెన్స్‌ ఉన్న క్యారెక్టర్స్‌ని ఎంచుకుంటోంది. మంచి కథలను సెలెక్ట్‌ చేసుకుంటోంది. ఈ మధ్య 'దండుపాళ్యం - 2' సినిమాతో ప్రేక్షకుల ముందుకొచ్చింది. ఈ సినిమాతో సంజన తనలోని ఓ డిఫరెంట్‌ యాంగిల్‌ని పరిచయం చేసింది. ఇప్పుడు మరో కొత్త యాంగిల్‌ చూపిస్తానంటోంది. తెగ కత్తి యుద్ధాలు చేసేస్తోంది ఈ బ్యూటీ. ఎందుకంటే ఓ కొత్త ప్రాజెక్ట్‌ తగిలిందంటోంది. అది కూడా వెరీ వెరీ బిగ్‌ ప్రాజెక్ట్‌ అట. అదేంటో ప్రస్తుతానికి సస్పెన్స్‌ అట. త్వరలోనే ఆ వివరాలు చెబుతానంటోంది ఈ క్యూటీ. ఈ మధ్య విడుదలైన 'దండుపాళ్యం - 2' సినిమాతో బోలెడంత పబ్లిసిటీ సంపాదించేసింది ఈ ముద్దుగుమ్మ. ఆ సినిమాలో న్యూడ్‌గా నటించిందంటూ సంజనపై పలు వివాదాలు వచ్చాయి. ఆ విషయమై సోషల్‌ మీడియాలో పెద్ద రచ్చే జరిగింది. దాన్ని తెలివిగా సంజన తనకు పబ్లిసిటీగా మార్చేసుకుంది. అది సరే ఈ కొత్త ప్రాజెక్ట్‌ ఏంటో గానీ, కత్తి విద్యలో ప్రత్యేక శిక్షణ తీసుకుంటోందట సంజన. ఇప్పటికే సీనియర్‌ హీరోయిన్లు అనుష్క, శృతిహాసన్‌, త్రిష తదితర ముద్దుగుమ్మలు కత్తి విద్యలో శిక్షణ పొందారు. పొందుతూనే ఉన్నారు. వారి కోవలోకి ముద్దుగుమ్మ సంజన కూడా చేరిపోయిందన్న మాట. ఈ సినిమా కోసం చాలా కష్టపడుతోందట సంజన. ఈ సినిమా తన కెరీర్‌ బెస్ట్‌ మూవీ అవుతుందని నమ్మకం వ్యక్తం చేస్తోంది. అయితే ఇదేదో యాక్షన్‌ ఓరియెంటెడ్‌ మూవీ అని తెలియవస్తోంది. కానీ ఇప్పటికయితే ఈ సినిమా డీటెయిల్స్‌ మాత్రం చెప్పడం లేదు. సరే వెయిట్‌ చేద్దాం. ఈ ముద్దుగుమ్మ ఎప్పుడు చెబుతుందో! ఆమె పలుకుల్లోనే విందాం!
