మొన్నీమధ్యే 'సప్తగిరి ఎక్స్‌ప్రెస్‌'తో కమెడియన్‌ నుండి, హీరోగా ప్రమోషన్‌ అందుకున్నాడు కమెడియన్‌ సప్తగిరి. కామెడీలో డిఫరెంట్‌ పంథా సప్తగిరిది. అయితే ఒక్క కామెడీయేనా మల్టీ టాలెంటెడ్‌ సప్తగిరి. మంచి డైలాగ్‌ రచయిత. మంచి నటుడు. తాజాగా మరో సినిమాతో హీరోగా దూసుకొచ్చేస్తున్నాడు. అదే 'సప్తగిరి ఎల్‌ఎల్‌బీ'. ఈ సినిమా టీజర్‌ ప్రోమోని తాజాగా విడుదల చేసింది చిత్ర యూనిట్‌. ప్రమో చూస్తుంటే ఇది సప్తగిరి సినిమాయేనా అనిపించక మానదు. అంత రిచ్‌గా ఉంది టీజర్‌. లొకేషన్స్‌ ఎంత రిచ్‌గా ఉన్నాయంటే, ఇదేదో భారీ బడ్జెట్‌ మూవీలా అనిపిస్తోంది. జస్ట్‌ టీజర్‌ ప్రోమోకే ఈ రేంజ్‌లో చూపిస్తే, ఇక టీజర్‌లో ఇంకెంత చూపిస్తారు. ట్రైలర్‌ సంగతేంటి? అసలు సినిమాలో ఇంకెంత ఉండబోతోందో. రేపు ఈ సినిమా టీజర్‌ని రిలీజ్‌ చేయనున్నట్లు చిత్ర యూననిట్‌ ప్రకటించింది. ఫుల్‌ లెంగ్త్‌ కామెడీ ఎంటర్‌టైనర్‌గా ఈ సినిమా తెరకెక్కుతోంది. కమెడియన్‌గా కాస్సేపు సప్తగిరి స్క్రీన్‌పై కనిపిస్తేనే నవ్వులే నవ్వులు. ఇక సినిమా మొత్తం సప్తగిరిదే అయితే నవ్వుల సునామీనే. లక్కాకుల చరణ్‌ ఈ సినిమాని తెరకెక్కిస్తున్నారు. రవికిరణ్‌ నిర్మాతగా వ్యవహరిస్తున్నారు. అన్నట్లు 'సప్తగిరి ఎక్స్‌ప్రెస్‌'లో సప్తగిరి కొంచెం అటూ ఇటూ కాలు కదుపుతూ డాన్సులేస్తే, ఈ సినిమాలో ప్రొఫిషనల్‌ డాన్సర్‌లాగా స్టెప్పులేసేస్తున్నాడు. హీరోగా మారినా కానీ కమెడియన్‌గానూ అవకాశాలు వదులుకోనంటున్నాడు సప్తగిరి. రీసెంట్‌గా 'ఏంజెల్‌' తదితర సినిమాల్లో కమెడియన్‌గా అలరించాడు. ఏదేమైనా తన పేరునే ఓ బ్రాండ్‌గా చేసుకుని ఆ పేరు మీద టైటిల్స్‌తో సినిమాలు చేస్తున్న సప్తగిరి.. వెరైటీ కదా!