సరిలేరు నీకెవ్వరూ..' చిత్రంలో రష్మికా మండన్నా హీరోయిన్‌గా నటిస్తున్న సంగతి తెలిసిందే. అయితే, ఇంతవరకూ రష్మిక పాత్రను కానీ, ఆమెకు సంబంధించిన స్టిల్స్‌ కానీ, సరిగా రిలీజ్‌ చేయలేదు. ఏదో ఒకటీ అరా రిలీజ్‌ చేసినా అవి అంతగా సర్క్యులేట్‌ కాలేదు. ఇంతవరకూ రెండు పాటలు, ఒక టీజర్‌ రిలీజ్‌ చేశారు కానీ, వాటిలో ఎక్కడా రష్మికను చూపించలేదు. దాంతో, ఓ పక్క రష్మిక ఫ్యాన్స్‌ ఫీలవుతున్నారు. మరో పక్క యాంటీ ఫ్యాన్స్‌ సోషల్‌ మీడియా వేదికగా మీమ్స్‌ ట్రోల్‌ చేస్తున్నారు. అసలింతకీ ఈ సినిమాలో రష్మిక ఉందా.? లేదా.? అనే డౌట్‌ కూడా ఎక్స్‌ప్రెస్‌ చేస్తున్నారు. మొత్తం స్క్రీన్‌ స్పేస్‌ మహేష్ తర్వాత విజయ శాంతికే దక్కుతోంది. అంటే, రష్మికకు సినిమాలో అంత సీను లేదా.? అనే డైలమాలో ఉన్నారు ఫ్యాన్స్‌. కానీ, రష్మిక మాత్రం ఈ సినిమాలో తన పాత్ర చాలా గొప్పగా ఉండబోతోందని చెప్పుకుంటోంది.
అంతేకాదు, ఈ సోమవారం 'సరిలేరు..' నుండి రాబోయే 'హి ఈజ్‌ సో క్యూట్‌' సాంగ్‌కి రష్మిక తనదైన శైలిలో టిక్‌ టాక్‌ వీడియో చేసి సోషల్‌ మీడియాలో పోస్ట్‌ చేసింది. ఈ వీడియోకి బోలెడన్ని లైకులు, కామెంట్లు వస్తున్నాయి. ఈ వీడియోతో మళ్లీ రష్మిక సోషల్‌ మీడియాపై గ్రిప్‌ సాధించేసింది. ఇక రాబోయే ఈ సాంగ్‌లోనైనా రష్మిక కనిపించిందంటే, ఆమె ఫ్యాన్స్‌ పండగ చేసుకుంటారు. 'సరిలేరు..' టీమ్‌ ఈ విషయాన్ని కాస్త దృష్టిలో పెట్టుకుంటే బావుంటుంది మరి.
The third single #HeIsSoCute from #SarileruNeekevvaru is releasing on 16th Dec @ 5:04 PM.
— Rashmika Mandanna (@iamRashmika) 13 December 2019
Can’t wait for you guys to hear it 🙈✨@urstrulyMahesh @AnilRavipudi @ThisIsDSP @SVC_official pic.twitter.com/PG5PmxhKvT
