టాలీవుడ్‌లో స‌క్సెస్ ఒక్క‌టే మాట్లాడుతుంది. ఎవ‌రి ద‌గ్గ‌ర స‌క్సెస్ ఉంటే వాళ్ల‌ని ఫాలో అయిపోవ‌డ‌మే. మ‌హేష్‌బాబు ఇప్పుడు అదే చేస్తున్నాడు. ఈ సంక్రాంతికి విడుద‌లైన `అల వైకుంఠ‌పుర‌ములో` సూప‌ర్ డూప‌ర్ హిట్ అయ్యింది. ఆల్ టైమ్ టాప్ 2లో నిలిచింది. ఇప్పుడు అదే టీమ్ తో ప‌నిచేయాల‌ని ఉబ‌లాట ప‌డుతున్నాడు మ‌హేష్. మ‌హేష్ కొత్త సినిమా `స‌ర్కారు వారి పాట‌` సాంకేతిక నిపుణుల్ని చూడండి.

సంగీత ద‌ర్శ‌కుడు త‌మ‌న్‌, క‌ళా ద‌ర్శ‌కుడు ప్ర‌కాష్‌, కెమెరామెన్ వినోద్‌.. వీళ్లంతా `అల వైకుంఠ‌పుర‌ములో` చిత్రానికి ప‌నిచేసిన‌వ‌వాళ్లే. క‌థానాయిక‌గా పూజా హెగ్డే పేరు ప‌రిశీలిస్తున్నార‌ని తెలిసింది. త‌నూ.. వైకుంఠ‌పుర‌ములో బ్యాచే. ప్ర‌తినాయ‌కుడిగా ఉపేంద్ర‌ని ఎంచుకుంటే.. ఈ సినిమాలో స‌గం టీమ్‌.. బ‌న్నీ బ్యాచే అవుతుంది. ఎందుకంటే.. బ‌న్నీ సినిమా `స‌న్నాఫ్ స‌త్య‌మూర్తి`తోనే ఉపేంద్ర విల‌న్‌గా మారాడు. అలా... బన్నీ టీమ్ నే మ‌హేష్ న‌మ్ముకున్నాడ‌న్న‌మాట‌.