'రాజుగారి గది' సినిమాకి సీక్వెల్‌గా తెరకెక్కుతోన్న సినిమా 'రాజుగారి గది - 2'. ఈ సినిమాలో సీరత్‌కపూర్‌ హీరోయిన్‌గా నటిస్తోన్న సంగతి తెలిసిందే. ఈ సినిమాలో జస్ట్‌ గ్లామరస్‌ పాత్రే అనుకున్నారంతా ఈ ముద్దుగుమ్మది. కానీ అలా కాదట. అదరగొట్టేస్తుందట. సినిమా అంతా ఆమె చుట్టూనే తిరుగుతుందట. నటిగా సీరత్‌కపూర్‌కి ఇది ఓ మహా యజ్ఞం లాంటిదంటున్నారు. ప్రతి సన్నివేశంలోనూ చాలా బాగా చేసిందంటున్నాడు దర్శకుడు. 70 శాతం సినిమా పూర్తయిపోయిందట. ఈ సినిమాలో సమంత కూడా నటిస్తోంది. అయితే జస్ట్‌ గెస్ట్‌ రోల్‌ మాత్రమే అంటున్నారు. కానీ ఆమె పాత్ర ఏంటన్నది ప్రస్తుతానికి సస్పెన్స్‌. సీరత్‌ కపూర్‌ పాత్ర విషయంలో కూడా సస్పెన్స్‌ కొనసాగుతోంది కానీ టాక్‌ మాత్రం అదరిపోతోంది. ఈ సినిమాలో ఈ ముద్దుగుమ్మ నాగార్జునకి జోడీగా నటిస్తుంది. ఇదో హారర్‌ మూవీ అన్న సంగతి తెలిసిందే. తొలిసారిగా నాగార్జున ఈ చిత్రంతో హారర్‌ సినిమాలో నటిస్తున్నాడు. అయితే ఇందులో దెయ్యం ఎవరు? అనే సస్పెన్స్‌ అలాగే ఉంది. ఓంకార్‌ ఈ సినిమాకి దర్శత్వం వహిస్తున్నారు. 'రన్‌ రాజా రన్‌' సినిమాలో కేవలం గ్లామర్‌ డాళ్‌గా మాత్రమే కనిపించిన ముద్దుగుమ్మ సీరత్‌కపూర్‌, ఈ సినిమాలో పెర్ఫామెన్స్‌తోపాటు గ్లామర్‌ కూడా అదరగొట్టేసిందట.