దర్శకులు అప్పుడప్పుడు తెరపై కనిపించడం సాధారణంగా జరిగే విషయమే. కొంతమంది దర్శకులు నటులుగా కూడా రాణించిన సందర్భాలు ఎన్నో ఉన్నాయి. తాజాగా ఇదే కోవలో దర్శకుడు సెల్వరాఘవన్(శ్రీరాఘవ) కూడా నటుడిగా తన సత్తా చాటేందుకు ప్రయత్నాలు మొదలుపెట్టారు. కీర్తి సురేష్ నటిస్తున్న కొత్త సినిమా 'సాని కాయిదం' లో సెల్వ ఓ కీలక పాత్ర పోషిస్తున్నారని సమాచారం.
ఈ సినిమాకు సంబంధించిన ప్రీ-లుక్ ఈ మధ్య రిలీజ్ చేయగా అందరినీ ఆకట్టుకుంది. అరుణ్ మాదేశ్వరన్ దర్శకత్వంలో తెరకెక్కుతున్న ఈ చిత్రం ఒక క్రైమ్ డ్రామా అని అంటున్నారు. మరి ఈ సినిమాలో సెల్వ ఎలాంటి పాత్రలో కనిపిస్తున్నారనే వివరాలు ఇంకా బయటకు మాత్రం రాలేదు.
దర్శకుడిగా '7/G బృందావన కాలనీ' 'ధూల్ పేట్', 'ఆడవారి మాటలకు అర్థాలే వేరులే', 'యుగానికి ఒక్కడు', 'ఎన్.జి.కె' లాంటి సినిమాలకు దర్శకత్వం వహించి క్రియేటివ్ ఫిలిం మేకర్ గా పేరు తెచ్చుకున్నారు సెల్వ. మరి ఇప్పుడు నటుడిగా ఆయన ప్రేక్షకులను ఎంత మాత్రం మెప్పిస్తారనేది వేచి చూడాలి.
