ముద్దుగుమ్మ శ్రియ 'ఇష్టం' సినిమాతో తెలుగు తెరకు పరిచయమైంది. నాగార్జునతో 'సంతోషం' సినిమాలో క్యూట్‌ క్యూట్‌గా కనిపించి స్పెషల్‌ అట్రాక్షన్‌ అనిపించింది. అక్కడితో అమ్మడి కెరీర్‌ జోరందుకుంది. క్యూట్‌ ఫేస్‌తో అన్ని వర్గాల ప్రేక్షకులకు చాలా దగ్గరయ్యింది. గ్లామర్‌ పాత్రలతో పాటు, హుందా అయిన పాత్రల్లో కూడా నటించి మెప్పించింది. ఒక పక్క సీనియర్‌ హీరోస్‌కి తగిన జోడీగా నటిస్తూనే యంగ్‌ హీరోస్‌తోనూ జత కడుతూ తానింకా స్వీట్‌ సిక్స్‌టీనే అంటోంది ముద్దుగుమ్మ శ్రియ. ఇటీవల 'గౌతమీ పుత్ర శాతకర్ణి' సినిమాలో శాతకర్ణి భార్య వశిష్టా దేవి పాత్రలో చాలా హుందాతనం ప్రదర్శించింది. ఆ సినిమాతో శ్రియకు నటిగా మంచి పేరు వచ్చింది. ఆ సినిమా సక్సెస్‌తో శ్రియ కెరీర్‌ మరోసారి టర్న్‌ అయ్యింది. ఇప్పుడు డిఫరెంట్‌ తరహా పాత్రలతో ఆకట్టుకుంటానంటోంది. శ్రియ తాజాగా ఓ సినిమాకు సైన్‌ చేసింది. ఇంద్ర సేన అనే కొత్త డైరెక్టర్‌ తెరకెక్కిస్తోన్న సినిమా 'వీర భోగ వసంతరాయలు'. ఈ సినిమాలో నారా రోహిత్‌, శ్రీ విష్ణు ప్రధాన పాత్రల్లో నటిస్తున్నారు. ఈ సినిమాలో శ్రియ కూడా ఓ పాత్రలో నటిస్తోంది. అయితే ఈ సినిమాలో శ్రియ ఎవరికీ జంటగా నటించడం లేదు. ఆమెది ఓ విభిన్న పాత్ర. సినిమాకి కీలకపాత్ర. అలాగే పాత్ర పరంగా చాలా ప్రాధాన్యత ఉంటుందట. రోహిత్‌, శ్రీ విష్ణు, శ్రియ కాకుండా సత్యదేవ్‌ కూడా ప్రధాన పాత్రలో నటిస్తున్నాడు ఈ సినిమాలో. నాలుగు విభిన్న కోణాల్లో జరిగే డిఫరెంట్‌ స్టోరీగా డైరెక్టర్‌ ఈ సినిమాని కొత్తగా తెరకెక్కించబోతున్నాడట.