నాని ఏంటి ఎంసీఏ మొదలెట్టుడేంటి అనుకుంటున్నారా? అంటే సినిమాలు మానేసి స్టడీస్‌లోకి వెళ్లాడా ఏంటని ఆశ్చర్యపోతున్నారా? ఆగండాగండి. ఒక సినిమా సెట్స్‌ మీదుండగానే మరో సినిమాని లైన్‌లో పెట్టేస్తున్నాడు నాని. ఒకటేమిటి రెండు మూడు సినిమాలు లైన్‌లో ఉన్నా ఆశ్చర్యపోనక్కర్లేదు. అలా ఉంది నాని జోరు మరి. ఆ జోరు మీదే నాని కొత్త సినిమాకి 'ఎంసీఏ' అని పేరు పెట్టారు. అంతే. నాని కొత్త సినిమా టైటిల్‌ అది. ఆల్రెడీ నాని హీరోగా 'నిన్ను కోరి' సినిమా విడుదలకు సిద్ధంగా ఉంది. ఇటీవలే 'నేను లోకల్‌' సినిమాతో లోకల్‌లోనే కాకుండా ఓవర్సీస్‌లో కూడా సత్తా చాటేశాడు. ఇప్పుడు ఎంసీఏ అంటున్నాడు. ఈ సినిమా ఏం రేంజ్‌లో దున్నేస్తుందో తెలీదు. వేణు శ్రీరామ్‌ దర్శకత్వంలో ఈ సినిమా తెరకెక్కుతోంది. సక్సెస్‌ ఫుల్‌ ప్రొడ్యూసర్‌ దిల్‌ రాజు నిర్మాణంలో ఈ సినిమా తెరకెక్కుతోంది. కాబట్టి ఈ సినిమాపై అంచనాలు అప్పుడే మొదలైపోయాయి. ముద్దుగుమ్మ అనుపమా పరమేశ్వరన్‌ ఈ సినిమాలో హీరోయిన్‌గా నటిస్తోంది. ఈ రోజే ఈ సినిమా లాంఛనంగా ప్రారంభమైంది. వరుస పెట్టి సినిమాలు చేస్తున్నా, సినిమా సినిమాకీ వైవిధ్యం ప్రదర్శిస్తున్నాడు నాని. కొత్త కథల ఎంపికతో ఆడియన్స్‌కి బోర్‌ కొట్టించకుండా జాగ్రత్త పడుతున్నాడు. ఈ సినిమాతో ఏం మ్యాజిక్‌ చేస్తాడో మన నేచురల్‌ స్టార్‌ నాని చూడాలిక.