పాన్ ఇండియా స్టార్ ప్రభాస్, శృతి హాసన్ కలిసి నటించిన సలార్ మూవీ వరల్డ్ వైడ్ గా హిట్ టాక్ తెచ్చుకుని కలెక్షన్ల సునామీ సృష్టిస్తోంది. ప్రభాస్ తో శృతి కి ఇదే మొదటి మూవీ. వీరి మధ్య వచ్చే సీన్స్ చాలా తక్కువ అయినప్పటికీ, వీరి జోడికి మంచి మార్కులే పడ్డాయి. కెరియర్ మొదట్లో ఐరెన్ లెగ్ గా ముద్ర పడిన శృతి ఇప్పుడు గోల్డెన్ లెగ్ అయిపోయింది. శృతి ఉంటే హిట్ పక్కా. 2023 లో శృతి ఖాతాలో మంచి హిట్లు ఉన్నాయి. బాలయ్య తో వీర సింహారెడ్డి, మెగాస్టార్ తో వాల్తేరు వీరయ్య, హాయ్ నాన్నలో కూడా కాసేపు మెరిసింది. ఇప్పుడు సలార్ హిట్ తో ఇయర్ ముగించింది. సలార్ సక్సెస్ కావడంతో మూవీ యూనిట్ ప్రమోషన్లలో పాల్గొంటూ సందడి చేస్తున్నారు.
శృతిహాసన్ టెలివిజన్ ప్రోగ్రామ్స్ లో కూడా సందడి చేస్తోంది. ఈ నేపథ్యంలోనే శృతి ప్రభాస్ గురించి మాట్లాడుతూ ప్రభాస్ ను నమ్మకూడదు అంటూ చేసిన కామెంట్స్ వైరల్ అవుతున్నాయి. ప్రభాస్ తెర ముందు ఒకలా ఉంటారు తెర వెనుక మరోలా ఉంటారని అంది.
ప్రభాస్ కెమెరా స్విచ్ ఆన్ చేసే వరకు చాలా సరదాగా మాట్లాడుతూ అందరిని నవ్విస్తూ ఉంటారు. ఒకసారి కెమెరా ఆన్ అయిన తర్వాత తన పాత్రలోకి పరకాయ ప్రవేశం చేస్తారని, ఎమోషనల్ సన్నివేశాలలో కూడా అలాగే ఒదిగిపోయి నటిస్తారని శృతి పేర్కొంది. ఇక యాక్షన్ సీన్స్ లో అయితే పూనకం వచ్చినట్టు ఊగిపోతూ ఉంటారని, ప్రభాస్ మల్టీ టాలెంటెడ్ అంటూ, బోలెడు విషయాలు చెప్పింది. ప్రభాస్ గురించి శృతిహాసన్ చేసిన ఈ కామెంట్లు ప్రజంట్ సోషల్ మీడియాలో వైరల్ అవుతున్నాయి.
