నాని సరసన శృతిహాసన్‌.?

By iQlikMovies - June 20, 2018 - 12:56 PM IST

మరిన్ని వార్తలు

నాని తాజాగా గౌతమ్‌ తిన్ననూరి దర్శకత్వంలో ఓ సినిమా చేస్తున్నాడు. 'జెర్సీ' అనే టైటిల్‌తో లేటెస్టుగా ఈ సినిమాని అనౌన్స్‌ చేశాడు నాని.

 

ఈ సినిమాకి సంబంధించి ఫ్రెష్‌ అప్‌డేట్‌ ఏంటంటే, ఈ సినిమాలో నాని సరసన శృతిహాసన్‌ నటిస్తోందంటూ వార్తలు వినిపిస్తున్నాయి. అయితే శృతిహాసన్‌ ఈ సినిమాకి హీరోయినా? లేక గెస్ట్‌ రోలేమైనానా? అనే విషయంలో క్లారిటీ రావాల్సి ఉంది. కానీ సినిమాలో శృతిహాసన్‌ పేరునే ఎక్కువగా కన్సిడర్‌ చేస్తున్నారు. ఇకపోతే ఈ సినిమా స్పోర్ట్స్‌ నేపథ్యంలో తెరకెక్కుతున్నట్లు తెలుస్తోంది. ఫస్ట్‌లుక్‌ లోగోతోనే అది కన్‌ఫామ్‌ చేశారు. టైటిల్‌ లోగోలో చూపించిన క్రికెట్‌ కిట్‌, టీషర్ట్‌పై అర్జున్‌ పేరు చూస్తుంటే, ఈ సినిమాలో నాని పేరు అర్జున్‌ అనీ, నాని ఓ క్రికెటర్‌గా కనిపించబోతున్నాడనీ తెలుస్తోంది. 

ఇదిలా ఉంటే, శృతిహాసన్‌, నాని పెయిర్‌ అంటే కొంచెం కొత్తగానే ఉండబోతుందని భావించాలి. తొలిసారిగా ఈ జంట ఆన్‌స్క్రీన్‌ సందడి చేయబోతోంది. ఒకప్పుడు స్టార్‌ హీరోయిన్‌గా వెలుగు వెలిగిన శృతిహాసన్‌కి ఇప్పుడు పెద్దగా సీను లేదు. మొన్నీ మధ్యనే రవితేజ సినిమాలో శృతిహాసన్‌ నటిస్తోందంటూ న్యూస్‌ బయటికి వచ్చింది. కానీ అది కూడా అఫీషియల్‌గా కన్‌ఫామ్‌ కాలేదు. 

ఈ మధ్య శృతిహాసన్‌ చాలా ఛాన్సులు మిస్‌ చేసుకుంది. తమిళంలో అత్యంత ప్రతిష్ఠాత్మకమైన ప్రాజెక్ట్‌ 'సంఘమిత్ర'ను వదిలేసుకున్న తర్వాత చాలా ఛాన్సులు వచ్చినట్లే వచ్చి మిస్‌ అవుతున్నాయి శృతిహాసన్‌కి. చూడాలిక నానితో శృతి ఛాన్స్‌ నిజమేనా? తెలియాల్సి ఉంది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS