డిసెంబ‌రు 24న బాక్సాఫీసు ద‌గ్గ‌ర `కీ` ఫైట్ జ‌ర‌గ‌బోతోంది. ఈ రోజు.. శ్యామ్ సింగ‌రాయ్‌, గ‌ని రెండు సినిమాలు విడుద‌ల కాబోతున్నాయి. రెండూ క్రేజీ ప్రాజెక్టులే. కాబ‌ట్టి.. ఆ రోజు బాక్సాఫీసు ద‌గ్గ‌ర మంచి ఫైట్ చూసే అవ‌కాశం ఉంద‌ని అనుకున్నారంతా. అయితే.. ఇప్పుడు ఈ ఫైట్ నుంచి గ‌ని త‌ప్పుకునే ఛాన్సుంద‌ని టాక్‌. ఒకే రోజు రెండు సినిమాలంటే.. వ‌సూళ్లు పంచుకోవ‌డం త‌ప్ప, ఇంకేం ఉండ‌దు

రెండు సినిమాలకూ న‌ష్ట‌మే. అందుకే `గ‌ని` ఈ ఫైట్ నుంచి డ్రాప్ అయ్యింద‌ని తెలుస్తోంది. కాక‌పోతే.. డిసెంబ‌రు 24 కంటే ముందే వ‌చ్చేస్తే ఎలా ఉంటుంద‌న్న‌ది గ‌ని ఆలోచ‌న‌. అందుకు త‌గినట్టుగా క‌స‌ర‌త్తులు కూడా ప్రారంభించింది. గ‌ని దృష్టి డిసెంబ‌రు 10న ఉంది. డిసెంబ‌రు 2న అఖండ వ‌స్తోంది. డిసెంబ‌రు 17న పుష్ప విడుద‌ల అవుతోంది. రెండింటికీ మ‌ధ్య‌లో డిసెంబ‌రు 10 ఖాళీగా ఉంది. దాన్ని భ‌ర్తీ చేయాల‌ని గ‌ని చూస్తోంది. ఒక‌ట్రెండు రోజుల్లో.. గ‌ని రిలీజ్ డేట్ పై ఓ క్లారిటీ వ‌చ్చే అవ‌కాశం ఉంది. వ‌రుణ్ తేజ్ క‌థానాయ‌కుడిగా న‌టించిన గ‌ని.. ఓ స్పోర్ట్స్ డ్రామా. కిర‌ణ్ కొర్ర‌పాటి ద‌ర్శ‌క‌త్వం వ‌హిస్తున్నారు. ఉపేంద్ర కీల‌క పాత్ర‌ధారి.