శివాజీ కారెక్టర్ ఆర్టిస్ట్ గా కెరియర్ ప్రారంభించి, తరవాత సెకండ్ హీరోగా, చిన్న చితకా వేషాలు వేస్తూ ఒక్కో మెట్టు ఎక్కుతూ హీరో స్థాయికి ఎదిగి తనకంటూ ఒక గుర్తింపు తెచ్చుకున్నాడు. హీరోగా శివాజీ చేసిన మిస్సమ్మ, అదిరందయ్యా చంద్రం, అమ్మాయికోసం, లాంటి సినిమాలు తనకి పేరు తెచ్చిపెట్టాయి. హీరోగా బానే సక్సెస్ అయిన టైమ్ లోనే సడెన్ గా పొలిటికల్ వైపు వెళ్ళాడు. ఆపరేషన్ గరుడ అంటూ ఫేమస్ అయ్యాడు. మళ్ళీ కనుమరుగైపోయాడు. రీసెంట్ గా బిగ్ బాస్ తెలుగు సీజన్ 7 లో మెరిసి అందర్నీ ఆశ్చర్య పరిచాడు. చాలా రోజుల తరవాత బిగ్ బాస్ లో కనిపించినా మంచి ఆదరణే దక్కి టాప్ త్రీ లో నిలిచాడు శివాజీ.
బిగ్ బాస్ తరవాత శివాజీ సెకండ్ ఇన్నింగ్స్ స్టార్ట్ చేసాడు. #90 మిడిల్ క్లాస్ వెబ్ సిరీస్ తో మళ్ళీ అలరించాడు. ఈ మధ్య ఒక ఇంటర్వ్యూ లో సినిమాల్లో రీఎంట్రీ ఇస్తానని , విలన్ గా నటించాలని ఉందని తన కోరికను బయట పెట్టాడు. శివాజీ కోరికను బోయపాటి శ్రీను తీర్చనున్నాడని టాక్. బాలకృష్ణ, బోయపాటి కాంబో మూవీలో విలన్ గా శివాజీ నటిచనున్నాడని సమాచారం. ఈ విషయాన్ని శివాజీ స్వయంగా చెప్పాడు.
శివాజీ సన్నిహితుల సమాచారం ప్రకారం, బోయపాటి శ్రీను డైరక్షణలో బాలయ్యతో తెరకెక్కనున్న మూవీలో శివాజీ విలన్ పాత్ర చేయబోతున్నాడని టాక్. రామ్ తో స్కంద మూవీ తీసిన బోయపాటి నెక్స్ట్ ప్రాజెక్ట్ బాలయ్యతో అని అనౌన్స్ చేసాడు. రీసెంట్ గా శివాజీ కూడా బోయపాటి సినిమాలో నటించబోతున్నట్లు వెల్లడించాడు. ఇప్పుడు విలన్ అని చెప్పటం తో ఈ వార్తలకి బలం చేకూరినట్టు అయ్యింది. బాలయ్య, శివాజీ కాంబినేషన్ కోసం ఆడియన్స్ ఆతృతగా ఎదురుచూస్తున్నారు.
