ఈ ఏడాది ఆరంభంలో సంక్రాంతికి పెద్ద సినిమాలు విడుదలయ్యాయి. ఏడాది ఆరంభంలోనే మెగాస్టార్‌ చిరంజీవి 'ఖైదీ నెంబర్‌ 150' సినిమాతో అదిరిపోయే బోణీ కొట్టారు. దాంతో ఆ సక్సెస్‌ అలా కంటిన్యూ అయ్యింది. బాలయ్య సినిమా 'గౌతమీ పుత్ర శాతకర్ణి' కూడా మంచి విజయాన్ని అందుకుంది. అలాగే ఈ రెండు పెద్ద సినిమాలతో పాటు రెండు చిన్న సినిమాలు కూడా విడుదలయ్యాయి ఈ సంక్రాంతికి. శర్వానంద్‌ హీరోగా వచ్చిన 'శతమానం భవతి'. పీపుల్‌ స్టార్‌ ఆర్‌ నారాయణమూర్తి తొలిసారిగా కమర్షియల్‌ ఎలిమెంట్స్‌ని టచ్‌ చేస్తూ వచ్చిన 'హెడ్‌ కానిస్టేబుల్‌ వెంకట్రామయ్య'. చిన్న సినిమాలే అయినా కానీ తమదైన స్టైల్‌లో ఈ సినిమాలు కూడా మంచి విజయాన్ని అందుకున్నాయి. ఇకపై చిన్న సినిమాలు వరుస కడుతున్నాయి. ఇంతవరకూ పెద్ద సినిమాల జోరు హోరుగా కొనసాగింది. ఇప్పుడు చిన్న సినిమాల జాతర మొదలు కానుంది. త్వరలోనే రెండు సినిమాలు విడుదలకు రెడీగా ఉన్నాయి. రాజ్‌ తరుణ్‌ నటించిన 'కిట్టు ఉన్నాడు జాగ్రత్త' సినిమా ఫిబ్రవరి 17న విడుదల కానుంది. ఈ సినిమాపై అంచనాలు ఉన్నాయి. అలాగే యంగ్‌ హీరో నాని నటించిన 'నేను లోకల్‌' కూడా విడుదలకు రెడీగా ఉంది. మంచు విష్ణు ’లక్కున్నోడు‘ సహా చాలా చిత్రాలు ఫిబ్రవరిలో తెలుగు ప్రేక్షకుల్ని అలరించడానికి సిద్ధమవుతున్నాయి.