వెన్నెల కిషోర్ జోరు మామూలుగా లేదు. టాలీవుడ్‌లో త‌నే ఇప్పుడు స్టార్ క‌మెడియ‌న్‌. శంక‌ర్ - క‌మ‌ల్‌హాస‌న్‌ల `భార‌తీయుడు`తో త‌మిళంలోనూ త‌న అదృష్టాన్ని ప‌రీక్షించుకోబోతున్నాడు. ఇప్పటికైతే... ఓ క్రేజీ సినిమాలో ఆఫ‌ర్ కొట్టేశాడు. అదే.. 'ఎన్టీఆర్‌' బ‌యోపిక్‌. ఈ సినిమాలో వెన్నెల కిషోర్‌కి ఓ మంచి పాత్ర ద‌క్కింది. ఇందులో ఎన్టీఆర్ బావ మ‌రిదిగా వెన్నెల కిషోర్ క‌నిపించ‌నున్నాడు.

బ‌స‌వ‌తార‌కంకి  రుక్మాంగ‌ద‌రావు  అనే సోద‌రుడు ఉండేవాడు. ఎన్టీఆర్‌కి చేదోడు వాదోడుగా, దాదాపుగా మేనేజ‌ర్‌లా ప‌నిచేశారాయ‌న‌. ఆ పాత్ర‌లోనే వెన్నెల కిషోర్ క‌నిపించ‌బోతున్న‌ట్టు స‌మాచారం. క్రిష్ ద‌ర్శక‌త్వం వ‌హిస్తున్న ఈ చిత్రం రెండు భాగాలుగా తెర‌కెక్కుతున్న సంగ‌తి తెలిసిందే. 'క‌థానాయ‌కుడు' జ‌న‌వ‌రి 9న రాబోతోంది. 'మ‌హా నాయకుడు' జ‌న‌వ‌రి 24న విడుద‌ల చేస్తారు.