చరణ్‌ - బోయపాటి కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. ఆల్రెడీ ఈ సినిమా సెట్స్‌ మీదకెళ్లింది. అయితే ఈ సినిమాకి సంబంధించిన స్పెషల్‌ అప్‌డేట్‌ ఏంటంటే, ఈ సినిమాలో ఐటెం సాంగ్‌ కోసం బోయపాటి ఈ సారి ఎవర్ని తీసుకొస్తాడా? అని. 'సరైనోడు' సినిమా కోసం అంజలిని తీసుకొచ్చాడు. 

'జయ జానకీ నాయకా' కోసం ఇద్దరు హాట్‌ బ్యూటీస్‌ కేథరీన్‌, ప్రగ్యాజైశ్వాల్‌ని తీసుకొచ్చాడు. అయితే మరి ఈ సినిమా కోసం ఎవర్ని తీసుకురానున్నాడంటే, ఈసారి బాలీవుడ్‌ హాట్‌ భామల్ని ఇంపోర్ట్‌ చేయనున్నాడనే టాక్‌ వినిపిస్తోంది. అది కూడా ఒకరు కాదు ఇద్దరట. ఆల్రెడీ ఈ సినిమాలో హీరోయిన్‌గా బాలీవుడ్‌ బ్యూటీ కైరా అద్వానీ నటిస్తోంది. అయితే ఐటెం సాంగ్‌ కోసం కూడా బాలీవుడ్‌ భామల్నే దించే యోచనలో బోయపాటి ఉన్నట్లు సమాచారమ్‌. 

బోయపాటి సినిమాల్లో ఐటెం సాంగ్స్‌కి ప్రత్యేకత ఉంటుంది. ఖచ్చితంగా ఐటెం సాంగ్‌ ఉండడంతో పాటు, అవసరాన్ని బట్టి ఒకటి కాదు రెండు ఐటెం సాంగ్స్‌ పెట్టినా పెడతాడు బోయపాటి తన సినిమాల్లో. అవి ఐటెం సాంగ్సే కావచ్చు. స్పెషల్‌ సాంగ్సే కావచ్చు. పేరేదైనా కానీ ఈ ఐటెం సాంగ్స్‌కి మాత్రం స్పెషలైజేషన్‌ ఉంటుంది. అందులోనూ చరణ్‌ సినిమా కావడంతో, ఈ సినిమాలో స్పెషల్‌ సాంగ్స్‌ కోసం స్పెషల్‌గా ఆలోచిస్తున్నాడట బోయపాటి శీను. అయితే ఈ సాంగ్స్‌ కోసం ముద్దుగుమ్మల్ని బాలీవుడ్‌ నుండే తీసుకొస్తాడా? లేక సౌత్‌లో ఏమైనా ఛాన్సిస్తాడా? అని చర్చ జరుగుతోంది. 

ప్రస్తుతానికి ఈ విషయంలో క్లారిటీ లేదు. కానీ ఒకవేళ సౌత్‌ భామలకు ఛాన్సిస్తే, ఆ ప్లేస్‌లో అందాల భామ కేథరీన్‌ ఉండొచ్చునని భావిస్తున్నారు. కేథరీన్‌, బోయపాటితో బ్యాక్‌ టు బ్యాక్‌ రెండు సినిమాల్లో నటించింది. రెండూ మంచి విజయాన్నే అందుకున్నాయి. ఆ సెంటిమెంట్‌తో కేథరీన్‌కి ఈ సినిమాలో కూడా బోయపాటి ఛాన్సిస్తాడేమో చూడాలిక.