'లక్ష్మీస్‌ ఎన్టీఆర్‌' సినిమాలో ఎన్టీఆర్‌ పాత్రలో నటించబోయేది ప్రకాష్‌రాజ్‌ అంటూ గాసిప్స్‌ వినిపించాయి. అయితే తాజాగా ఈ సినిమా డైరెక్టర్‌ అయిన రామ్‌ గోపాల్‌ వర్మ ఈ విషయంపై క్లారిటీ ఇచ్చేశారు. ప్రకాష్‌రాజ్‌ కాదనీ తేల్చేశారు. కానీ ఇంకా ఆ పాత్ర కోసం ఎవర్నీ అనుకోలేదు. సినిమా ఫిబ్రవరిలో స్టార్ట్‌ అవుతుంది. టైం ఉంది కనుక మరి కొంచెం టైం తీసుకుని ఆ పాత్రలకి సరిపడా నటుడ్ని ఎంచుకుని త్వరలోనే ప్రకటిస్తాననీ వర్మ చెప్పారు. అయితే ప్రకాష్‌రాజ్‌ మంచి నటుడు. ఆ పాత్రలో చక్కగా ఒదిగిపోతాడు.అయితే యదార్ధ గాథల్ని తెరకెక్కించేటప్పుడు వర్మ చాలా జాగ్రత్తలు తీసుకుంటారు. రియల్‌ పాత్రకు తగ్గట్లుగా ఉండే రీల్‌ నటున్ని పట్టుకుని ఎంపిక చేస్తూ ఉంటారు వర్మ. ఈ థాట్‌లో వర్మకి సాటి ఇంకెవరూ లేరనే చెప్పాలి. వర్మ ఛాయిస్‌ పర్‌ఫెక్ట్లీ ఆల్‌ రైట్‌ ఈ విషయంలో. ఇంతవరకూ వర్మ తెరకెక్కించిన యదార్ధ గాథలన్నింట్లోనూ నటీనటుల ఎంపిక అలానే జరిగింది. అసలే ఎంతో ప్రెస్టీజియస్‌ మూవీ ఇది. 'లక్ష్మీస్‌ ఎన్టీఆర్‌'. సో ఈ సినిమా విషయంలో వర్మ ఛాయిస్‌ ఇంకెంత కరెక్ట్‌గా ఉండనుందో కదా. ప్రస్తుతానికి ఎన్టీఆర్‌ పాత్రకైతే ప్రకాష్‌రాజ్‌ కాదని తేలిపోయింది. అయితే మరో పక్క టైటిల్‌ రోల్‌ అయిన లక్ష్మీ పార్వతి క్యారెక్టర్‌లో నటి రోజా అని ప్రచారం జరుగుతోంది. ఆ విషయంపై వర్మ పక్కాగా క్లారిటీ ఇవ్వలేదు కానీ, ఏమో చూడాలి మరి, 'లక్ష్మీస్‌ ఎన్టీఆర్‌' కోసం దిగుమతి కాబోయేది కొత్త నటీనటులా లేక తెలిసిన వారేనా.. అన్నది.