అతిలోకసుందరి శ్రీదేవి ప్రధాన పాత్రలో తెరకెక్కిన సినిమా 'మామ్‌'. హీరోయిన్‌గా పలు చిత్రాల్లో నటించి నెంబర్‌ వన్‌ హీరోయిన్‌ అనిపించుకున్న శ్రీదేవి రీ ఎంట్రీలో వచ్చిన సినిమా ఇది. క్లిష్ట సమస్యల్లో చిక్కుకున్న కూతుర్ని ఓ సాధారణ తల్లి ఎలా కాపాడుకోగలిగింది అనే కాన్సెప్ట్‌తో ఈ సినిమా తెరకెక్కింది.
తల్లిగా ఆమె ఈ సినిమాలో నటించినప్పుడు కొన్ని సన్నివేశాల్లో చాలా ఉద్వేగానికి లోనైందట. ఈ సినిమాలో నటించాను అనే దానికన్నా, జీవించానంటేనే యాప్ట్‌ అవుతుందని ఆమె చాలా సార్లు చెప్పింది గతంలో. అంతగా తన మనసుకు దగ్గరైన సినిమా 'మామ్‌' అని శ్రీదేవి చెబుతోంది. అలాగే హిందీలో ఈ సినిమాకి మంచి ఆదరణ దక్కింది. మంచి విజయాన్ని అందించింది శ్రీదేవికి ఈ సినిమా బాలీవుడ్‌లో.
ప్రస్తుతం 'మామ్‌' మాస్కోలో రిలీజ్‌ అవుతోంది. అందు కోసం శ్రీదేవి రష్యాలో ఈ సినిమా ప్రమోషన్స్‌ కోసం వెళ్లింది. సినిమా ప్రమోషన్స్‌లో భాగంగా శ్రీదేవి స్టేజ్‌పై మాట్లాడుతున్న కొన్ని ఫోటోలు నెట్‌లో హల్‌ చల్‌ చేస్తున్నాయి. ఇంత వయసులోనూ శ్రీదేవి అందానికి సాటి వేరెవరూ లేరనిపిస్తోంది. ఆమె అందానికి దాసోహం అంటోంది సినీ అభిమానం. అందుకే ఆమెను అంతా 'అతిలోకసుందరి' అని పిలుచుకుంటారు.
ఈ అతిలోక సుందరి కూతురు కూడా ఇప్పుడు సినిమాల్లోకి వచ్చింది. 'ధడక్‌' సినిమా ద్వారా శ్రీదేవి కూతురు జాన్వీ కపూర్‌ ఎంట్రీ ఇస్తోంది. ఈ ముద్దుగుమ్మ కూడా తల్లికి తగ్గ తనయే అందంలో. ఇటీవల విడుదలైన కొన్ని స్టిల్స్‌లో అచ్చం అమ్మనే తలపిస్తోంది. ఇక యాక్టింగ్‌, మిగతా స్కిల్స్‌లో జాన్వీ తల్లిని మించిపోతుందా.. చూడాలి. ఎంతైనా తల్లి డైరెక్షనే కదా అంతా..!
