ఇటు కమెడియన్ గానే కాకుండా అటు హీరోగా సైతం మంచి సక్సెస్ మీదున్న వైఎస్ఆర్ అలియాస్ శ్రీనివాస్ రెడ్డి తాజా చిత్రం టైటిల్ ఖరారయ్యింది.
అయితే తన గత చిత్రాల వెరైటీ టైటిల్స్ కోవలోకే ఈ చిత్రం టైటిల్ కూడా చేరనుంది. ఇంతకి ఆ టైటిల్ ఏంటంటే- సచ్చిందిరా.. గొఱ్ఱె! ఈ టైటిల్ చూస్తుంటే కామెడీ ఏ రేంజ్ లో ఉండబోతోందో ఊహించగలం అలాగే ఈ చిత్రంలో శ్రీనివాస్ రెడ్డితో పాటుగా అనసూయ, వేణు, శకలక శంకర్, రాకింగ్ రాకేశ్, ఆనంద్ రెడ్డి, తాగుబోతు రమేష్, మంగ్లీ, శివ రెడ్డి, రవి బాబు, చిత్రం శ్రీను, కోట శంకర్ రావు, టార్జాన్, రామరాజు, రామ్ జగన్ ప్రాధాన పాత్రలు పోషిస్తున్నారు.
ఇక ఈ తారాగణం ఒకసారి చూస్తే ఈ చిత్రంలో ఎంటర్టైన్మెంట్ ఎంత మోతాదులో ఉండనుందో ఇట్టే చెప్పగలం. శ్రీధర్ రెడ్డి అనే యువ దర్శకుడు ఈ చిత్రానికి దర్శకత్వం వహించగా దీపక్ & పాషా లు ఈ చిత్రాన్ని నిర్మించారు.
త్వరలోనే ఈ చిత్రం ప్రేక్షకుల ముందుకి రానుంది.
