మ‌హేష్ బాబు - ప‌ర‌శురామ్ కాంబినేష‌న్‌లో ఓ చిత్రం రూపుదిద్దుకుంటోంది. ఈ చిత్రానికి `స‌ర్కారు వారి పాట‌` అనే టైటిల్ పెట్టిన‌ట్టు వార్త‌లొచ్చాయి. ఈ టైటిల్ కి మంచి స్పంద‌నే వ‌చ్చింది. టైటిల్ బాగుందంటూ, వెరైటీగా ఉందంటూ కితాబులు అందుకున్నాడు ప‌ర‌శురామ్. కొంత‌మంది ఫ్యాన్స్ మాత్రం టైటిల్ ఇంకాస్త ప‌వ‌ర్‌ఫుల్‌గా ఉంటే బాగుంటుంది క‌దా.. అని అనుకుంటున్నారు. అయితే చిత్ర‌బృందం మాత్రం ఈ టైటిల్ గురించి ఏం మాట్లాడ‌డం లేదు. ఇదే టైటిల్ పెడ‌తామ‌ని చెప్ప‌లేద‌ని, అలా అని ప్ర‌చారాన్ని తిప్పి కొట్ట‌లేదు.

కానీ విశ్వ‌స‌నీయ వ‌ర్గాల ప్ర‌కారం ఈ టైటిల్ దాదాపు ఖాయ‌మ‌ని తేలింది. అయితే షూటింగ్ మొద‌ల‌య్యేలోపు ఇంత‌కంటే మంచి టైటిల్ దొరికితే.. అప్పుడు అది ఖాయం చేస్తార్ట‌, అంటే అప్ప‌టి వ‌ర‌కూ దీన్ని ఓ వ‌ర్కింగ్ టైటిల్ అనుకోవాల‌న్న‌మాట‌. ప్ర‌స్తుతం మ‌హేష్ పక్క‌న క‌థానాయిక కోసం అన్వేష‌ణ జ‌రుగుతోంది. క‌థానాయిక‌నీ త్వ‌ర‌లోనే ఖాయం చేసేస్తారు.