మెగాస్టార్ కోసం క్రేజీ విలన్ ను సంప్రదించారా? మెగాస్టార్ చిరంజీవి ప్రస్తుతం కొరటాల శివ దర్శకత్వంలో 'ఆచార్య' అనే చిత్రంలో నటిస్తున్నారు. దాదాపు 50 శాతం షూటింగ్ పూర్తి చేసుకున్న ఈ సినిమా కారణంగా ఆగిపోయింది. ఈ సినిమా తర్వాత మెగాస్టార్ చిరంజీవి దర్శకుడు సుజిత్ దర్శకత్వంలో 'లూసిఫర్' రీమేక్ లో నటిస్తున్నారు. ఈ సినిమాకు సంబంధించి ఓ ఇంట్రెస్టింగ్ టాక్ వినిపిస్తోంది.
సుజిత్ ప్రస్తుతం తెలుగు వెర్షన్ స్క్రిప్ట్ వర్క్ చేయడంతో పాటు నటీనటులు, టెక్నిషియన్ల ఎంపిక కూడా చేస్తున్నారట. 'లూసిఫర్' లో వివేక్ ఓబెరాయ్ విలన్ పాత్రలో నటించి తన నటనతో అందరిని మెప్పించాడు. తెలుగులో అదే విలన్ పాత్రకు మెగాస్టార్ కు దీటుగా ఉండే ఒక పవర్ఫుల్ విలన్ కోసం సుజిత్ పరిశీలిస్తున్నారట. బాలీవుడ్ నటుడు సంజయ్ దత్ అయితే ఈ పాత్రకు వెయిటేజి ఉంటుందనే ఉద్దేశంతో ఈమధ్య ఆయనను సంప్రదించారట. సంజయ్ కూడా ఈ ప్రపోజల్ కు అంగీకారం తెలిపారని, ఈ సినిమాలో నటించేందుకు ఆసక్తి చూపించారని అంటున్నారు.
సంజయ్ గతంలో సౌత్ సినిమాల లో నటించలేదు కానీ ప్రస్తుతం 'కేజిఎఫ్: చాప్టర్ 2' సినిమాతో సౌత్ లో అడుగు పెడుతున్నారు. 'కెజిఎఫ్: చాప్టర్ 2' లో పవర్ఫుల్ అధీరా పాత్రలో నటిస్తున్నారని, ఆ పాత్ర సినిమాకే హైలెట్ గా నిలిచే అవకాశం ఉందని ఇప్పటికే టాక్ వినిపిస్తోంది. దీనివల్లే మెగాస్టార్ సినిమాలో కూడా సంజయ్ దత్ ను నటింపజేసే ఆలోచన వచ్చిందని అంటున్నారు. ఏదేమైనా సీనియర్ బాలీవుడ్ హీరో సంజయ్ దత్ ఈ సినిమాలో నెగెటివ్ పాత్రలో నటించడం సినిమాకు భారీగా ప్లస్ అవుతుందని చెప్పడంలో సందేహం లేదు.
