ప్రముఖ యాంకర్‌ సుమ కనకాల టాలెంట్‌ సంగతి అందరికీ తెలిసిందే. స్పాంటీనియస్‌గా మాట్లాడగలిగే టాలెంట్‌ సుమది. మాటల్లో ఆమెని గెలిచి నిలబడడం చాలా కష్టం. అంతేకాదండోయ్‌ మాటలే కాదు, ఆట, పాట కూడా సుమకి తెలుసన్న సంగతి చాలా సందర్భాల్లో ప్రూవ్‌ అయ్యింది కూడా. డాన్సుల్లో సుమ ఎంత పవర్‌ఫుల్లో చాలా షోస్‌లో చూసేశాం. ఇటీవలే ఓ సినిమాలో పాట పాడి సింగర్‌గానూ తన టాలెంట్‌ చూపించిందీ మలయాళ కుట్టి. అయితే ప్రస్తుతం సుమ హాట్‌ టాపిక్‌ అయ్యింది ఎందుకంటే, ఓ మలయాళీ పాటకి సుమ తన ఇంట్లో గ్రేస్‌ఫుల్‌ డాన్స్‌ చేసి, ఆ వీడియోని సోషల్‌ మీడియాలో పోస్ట్‌ చేసింది. ఆ వీడియో ఇప్పుడు వైరల్‌ అయ్యింది. ఏకంగా 14 లక్షల మంది ఆ వీడియోని వీక్షించారు. మలయాళ సూపర్‌ స్టార్‌ మోహన్‌లాల్‌ నటించిన 'వెలిపడింతె పుస్తకం' అనే సినిమాలోని 'జిమ్మిక్కి కమ్మల్‌..' అనే పాట సుమకి చాలా బాగా నచ్చేసిందట. అందుకే ఆ పాటకి అదిరిపోయే స్టెప్పులేసి వీడియోని అభిమానులతో షేర్‌ చేసుకుంది. సుమకి డాన్సులు కొత్తేం కాదు కానీ, ఈ సాంగ్‌ తనకెంతో స్పెషల్‌ అనిపించిందంటోంది సుమ. యాంకర్‌గా సుమ ఎందరికో ఆదర్శం. యాంకర్‌ అంటే ఇలాగే గల గలా మాట్లాడాలి అని సుమని చూసే నేర్చుకున్నవాళ్లు చాలా మందే ఉన్నారంటే అతిశయోక్తి కాదు.